19/11/11

LA NUOSSA CULTURA

. .
HENRIQUE GAITEIRO
.
L purmeiro de ls purmeiros cumo debe ser, un berdadeiro, puro i ounico cun tradiçon de familhia gaiteira, Anrique, agora l melhor palheteiro pertues para las nuossas gaitas-de-foles mirandesas.

Anrrique


Ne l fin de sumana de ls Grazes, stubo an Madriç a dar un curso de custruçon de palhetas a par de Patrícia Cela, la melhor aluna de l Mestre de custruçon de la Ounibersidade de Vigo, Anton Curral.
Purmeiro curso, na Scuola de Música Tradecional Gallega "A Píntega Marela" i probablemente tamien en Madriç, subre l tema. Curso de custruçon de palletas cun Patricia Cela.




Cun Juan Luna i Patricia Cela

. L curso tubo bastantes alunos i fui un sucesso, l que ben amostrar mais un sendinés, de ls que ban lhebando loinje la cultura de l Praino i la lhéngua, si, porque l mirandés tamien stá persente adonde bai Anrique, persidente de la Associaçon de pauliteiros de Sendin i un de ls melhores gaiteiros de l Praino.
.

3 comentários:

Tiégui disse...

Buonus diês ! An Sandin tamiên dezis "Madrid"? An Cicuiru dezimus "Madriç" eigualicu cume an llionés. Mas mirai qu'an sturianu ya tamiên dizen "Madrid" anque nun antendu biên purquei.

Abraçu de Tiégui

Amadeu disse...

Buonos dies

An Sendin siempre oubi dezir Madriç. L mesmo cun outras palabras aparecidas cumo Balhadoliç.

Abraço
Amadeu

Almendra disse...

Buonos dies als dous,

Fui erro miu, you iba screbindo l que Anrique me iba dando pul Facebook i scapou se me essa.
Yá bou a eimendar.

Abraço
Almendra