10/05/08

Fiel de la tierra




[Centaurium erythraea Rafn]



Frolicas de quelor rosa claro, na punta dua penca delgada i dreita cun andadas de fuolhas mais ou menos aguçadas.
Puode-se ber a zafiar las demais froles i l mundo an quaije todo l termo.
Hoije nun yé muito ousada an malzonas mas si l serie dantes, que sei you.


3 comentários:

AF disse...

Buonas tardes, amigo Faustino,

Stou an Sendin i solo de modo mais defícele le chego a la anternete. Mas acá stou a dezir-te que gusto muito dessa frolica, que talbeç nun seia mui buona pa la tierra senó nun le ponien esse nome. Yá you la pus eiqui ne l die 18 de outubre de anho atrasado, mas inda bien que tu poniste eiqui outra beç que estas frolicas que tu poniste son bien mais guapas. Deixo tamien l nome científico.

Buona fin de sumana
Amadeu

faustino.antao disse...

Amigo Amadeu

Anton respirai esse oulor fuorte i doce de las froles mirandesas, que stá ne l tiempo i nun hai armano an to l mundo.
Las mies çculpas als outros cachos de la tierra. You sei que l oulor de froles ye siempre buono seia adonde fur.
Para bós, i to ls buossos ua buona fin de sumana tamien. S'acauso tubirdes bagar dai un abraço a to la giente de Sendin (cumo quien diç, giente que you nunca squeço. Al porsor Almendra ls parabienes por mais este trabalho que amostra ne l SAL.
Ye de lhoubar.
Buona biaige de buolta.
Faustino

Unknown disse...

Amigo Faustino

Oubrigado por ls parabienes, mas tu tamien mereces parabienes, porque me fazes andar por ende a tirar retratos a las froles. Hoije até un nial de pintassilgo ancuntrei, mas al tirar l retrato, scapórun que eran grandes.
Bai manhana a ber l hoije que bás a ber Amadeu a apresentar l libro de l Segredo de Penha Campana.
Solo ua cousa mais, ancuntrei l trebo de quatro fuolhas.

:))

Un abraço

Almendra