23/05/08

Antegraçon




Yá debeis de haber oubido falar dua rapaza que, an las praxes académicas, foi ountada cun stierco i oubrigada a quedar de cabeça para baixo anriba dun penico de merda. La rapaza fizo queixas i biu-se oubrigada a deixar la anstituiçon adonde andabas por bias de perseguiçones de ls própios colegas. Esta sumana chegou a público la cuonta doutra rapaza que, tambien en las praxes, fui biolada por un rapaç "beterano".
La praxe, dízen ls sous defensores, ye ua tradiçon i sirbe para antegrar ls colegas que acabórun de chegar a la ounibersidade. Será que houmildar, biolar, ferir ye ua forma de antegrar? I será tradiçon?
You tube la suorte de nun tener sido muito praxado. Quando chegou la "mie beç" de praxar, antendi que habie cousas mais antressantes para fazer. Mas nunca me recusei a "antegrar" un colega mais nuobo, amprestando apuntamientos ó splicando adonde quedában alguns serbicios de la ounibersidade, por eisemplo.
Nun sou radicalmiente contra las praxes. Zde que nun haga abusos, até puoden tener la sue grácia. Mas nun cunsigo aceitar que alguns studiantes pénsen que, solo porque yá stan hai muito tiempo na ounibersidade (muitas bezes sin ua cadeira feita), ténen l dreito de houmildar aqueilhes que acabórun de chegar. Esta eideia bai contra la própria eisséncia de la democracie. Mas cuntina an la cabeça de muitas pessonas que nacírun muito apuis de la ditadura.



2 comentários:

AF disse...

Buonas nuites Fir,

Acabei de oubir nas notícias de la Telbison que l tribunal le dou rezon a essa rapaza de l stierco i que trés rapazes praxantes fúrun cindanados.
Ua cousa ser tradiçon nun ye, solo por si, argumiento para nada. El yá houba tanta tradiçon... Até habie pobos que tenie la tradiçon de comer pessonas... I poderiemos cuntinar por ende afuora.
Todo l que ye demais ye moléstia.

Un abraço,
Amadeu

Abelhon disse...

Buonos dies

Bós çculpai la mie brutidade, mas péç-me que las praxes són ua perda de tiempo i un antruido recalantado.
Para haber antegraçón nun ye neceçairo nada desso. Inda se fazissan un baile de buonas benidas ...

Abraços