Scuito la sue boç de buída q’hai
pouco quedou sien sou home, mas la bida ansina mos que bibir tenemos. A miedos alhá mos bai purparando pa la lhona que ten ganas de mos cuontar, mas stá un
pouco acanhada, mas bai se soltando, dezindo: nun sei se bos la cuonte, mas ende
bai (staba you i la mie tie).
Habie un home bíudo que se tornou
a casar. A menudo iba dezindo siempre la mesma cousa: «oh mie purmeira mulhier
que me lo trazie siempre caliente!» Passába se esto an nuites fries d’eimbierno
quando l home se iba a deitar i repetia lo todas las nuites. Yá fartica d’oubir
siempre la mesma cousa, ua nuite, deixa l home ir pa la cama i eilha scarrancha
se anrriba de l lhume i calece se bien calentica. Quando se deita diç le: «bah
home, hoije si te lo trago bien calentico.» L’home mirou para eilha mui admirado i
responde le: «ah tuntica, tuntica, l que you querie era un café.»
Botou ua risada adbertida que nos
fizo rir mais que la cuonta.
Sem comentários:
Enviar um comentário