08/02/14

Ye siempre buono sperar...



Anton quando se spera por cousas que deseamos tener hai mais de trinta anhos, quando mos chégan a las manos ye ua alegrie tan taluda.

Fui l que me acunteciu ne l deimingo passado quando a l’hora de l almuorço l nuosso cunterráneo i amigo cura António Morais sacou dua cerrona ua manada de lhibros de l stimado i outrora pároco de Zenízio de l cura “Telmo Ferraz” i antre eilhes alhá staba “O lodo e as Estrelas”, que zde siempre oubi falar mas nun le ponie las manos an riba. Esta eidiçon ye yá la 3ª i stá oumentada cun cuontas doutros pobos i bibéncias, mas armanos na cundiçon de bida.

Tenie feito assi ua spécie de jura, nun m’habie de muorrir-me sien tener l sabor, l gusto de spurmentar la fuorça, la rezon i la brabura que stan nestas cuontas (screbidas an fuorma de diário) por este houmanista, por este home de l pobo, screbido por este home que anterrogaba Dius atrabeç de ls oulhares simples mas sentido, de ls carinos, por amor a un pobo trabalhador, (que sempre screbiu cun lhetra grande, dado l respeito que tenie) ,  un pobo cundanado a la miséria, homes i mulheres, mas criando ninos i ninas, cun família, bibindo an chabolos que tenien cumo chano l lhodo i cumo telhado las streilhas.

Se tubirdes pacéncia podeis ler ua sue cuonta deste lhibro que you tomei la lhibardade de cuntar an mirandês

Purmaberas

Sol….  clareio. Arboles a gustar. Senaras berdes. Las fuolhas de las carrasqueiras, siempre ciertas ne las fomas i ne l tiempo, nien se méxen. Parece que stan buendo l néctar de l sol, an taças de lhírios. L ambierno nun las bota abaixo: son siempre. Andrento de ls tapados, las scuobas asparece que drúmen. pula cierta  stan terminando cula  seiba la salida calhada de ls sous anfeites claros.  Ls paixaricos, que cun nós anfrentan las giladas,  bríncan a las «necras», cun  las  raças deste sol calentico.

Neste die conheci Armindo, çcalço, roto, çuijo. Trazie al quadril un armanico quaije couracho.
- Armindo!
Dou un passo.
-Quantos anhos tenes?
- Cinco.
- Tou pai trabalha?
- Pala i picachon
- Bint’i cinco?
- Só binte, trabalha uito horas.
Binte … Binte…Binte…

Las raças de sol quejírun brincar culs sous pelos de «spetados». El nun sentiu. I you… atirei la bista pa ls spetones de l rio.

                                                                                                                              3 d’abril de 1957
 
 

1 comentário:

Célia Lima disse...

Estamos em contagem regressiva para o grande momento da festa da Ilha da Lindalva...
Onde saberemos quem será o top Blogueiro de 2014.
Renovo o convite para a sua participação no voto ao Top Blogueiro 2014, cuja a votação se encerra a meia noite do dia 10 de Fevereiro.
E a você, que ainda não votou, fica o meu convite de honra: Venha e participe conosco deste momento. Quero que saiba que, tê-la(o) conosco, alegrará não apenas o coração da Lindalva , mas também o coração dos blogueiros participantes
Nós blogueiros participantes contamos com o seu voto
Podendo votar somente em um blog.
http://ilha-da-lindalva.blogspot.com.br/

Desde já agradeço
Bjsssss