12/02/14

" Capa e batina "


 


Capa e batina…


Ampecei a ber durante ls 20 purmeiros minutos l programa « Prós i contras » que passou hai dies na RTP1 subre l tema de las praxes Ber aqui . La grabaçon fui feita an direto ne l tiatro Gil Bicente de Coimbra i tengo pena por nun poder, a estas horas, cuntinuar a oubir las anterbençones que achei pertinentes i até de grande culidade… todas, menos la de l persidente de l’Associaçon Académica de Coimbra, un rapaç que a cierta altura m’irritou quando se puso a defender tamien l uso de la capa i de la batina…


Ora falando an capa i batina…


Era un tiempo, 1929 eisatamiente, an Moçambique anton colónia, ls studantes que na altura fúrun retratados  [«Os primeiros estudantes do Liceu de Lourenço Marques que usaram capa e batina», em João dos Santos Rufino, Álbuns Fotográficos e Descritivos da Colónia de Moçambique, vol. II, Lourenço Marques, 1929.] Ber aqui eran todos brancos ou quaije. Pretos ou mesmo mulatos poucos habie !


L que querie anton dezir la capa i la batina yá nessa altura ? Eigualdade i justiça social ?

Puls bistos nó !


Puode un anton squecer essas cousas ou fazer cumo se nunca tubíssen eisistido ou nun téngan inda hoije amportáncia  ?


Hai quien querga… 


mas hai tamien quien nun querga squecer !


Sem comentários: