Retrato de Felipe IV
por Diego Velázquez (Sebilha,1599 - Madrid 1660)
Museu Goya, Castres, França (a uns 25 kms donde you moro...)
Quando hai dies, un jornalista de la RTP preguntou a esse
famoso trasmontano chamado Adriano Moreira, agora cun 91 anhos, se el se
lhembraba de tiempos tan defíceles cumo ls que Pertual bibe hoije…
- Bon, respundiu el lhougo ne l ampeço de la antrebista,
Pertual passou momientos muito defíceles, por eisemplo quando ls Felipes
gobernában Pertual…
Ende l jornalista procediu bien i preguntou a A. Moreira se
nun habie outros eisemplos bien mais
recientes, cumo – i esso ye hoije ua eibidéncia – ls 40 anhos que durou la
ditadura de Salazar-Caetano i la pobreza que acababa por ser l pan de cada die
de muitas famílias pertuesas, durante anhos i anhos…
Puis ye, Senhor Adriano Moreira! Nun bal la pena ir tan loinge ne l tiempo. Tamien
bós, inda bos lhembrais de cumo era Pertual antes de 1974. I até you apesar de ser mais nuoba. Cousas que
nunca mais se squécen; i quien sabe, mais inda até para quien nunca chegou
a saber i inda hoije nun sabe al cierto quien éran esses tales fulanos de que
bos lhembrestes de falar : esses tales Felipes de que hoije yá quaije naide
se lhembra i yá pouco antressa, se furmos a ber…
Mas se mos falardes desses
tales 40 anhos… anton la cousa será defrente !
Sem comentários:
Enviar um comentário