Associaçon Cultural i Recreatiba Nial de la Boubielha

Caros associados i amigos de ls zenizienses!

Arríma-se l die de l Tradecional Magosto, que astanho se fai ne l Deimingo die 3 de Nobembre, que bai a tener lhugar ne l mesmo lhocal de ls redadeiros anhos, ne l terreiro de las Fiestas de Corroios, Quinta da Marialva, pulas 14 horas.

La Direcion de l’Associaçon fai gusto que to ls associados, sous familiares i tamien amigos deian ua amanhadela na sue bida i terminen a star ne l Magosto, l redor de l’assador para quemer uns bilhós, para apertamos las manos, darmos abraços als amigos d’anfáncia, de scuola i zanferrujamos la nuossa lhéngua.

La Direcçon de l'ACR Nial de la Boubielha cuntina a relhembrar-bos que l maior balor que ten este i ls outros cumbíbios, ye l de la amisade que se bai mantenendo i criando antre las pessonas que neilhes partecipan, ye l cumbibir, festejar, consulidar las relaçones d’amisade que siempre ounírun ls cunterráneos.

Al participar no magosto, stamos a cuntribuir pa la felcidade de todos ls outros i, pa la nuossa berdadeira felcidade. Pur esso “ne l die 3 de Nobembre,  béngan todos al magosto, que son bienbenidos”.

Un abraço amigo,

LA DIREÇON DE L’ASSOCIAÇON