Retratos
armanos a estes nun faltáran por esse paiç afuora.
Mas l que mais me ten amquemodo son estas obras, alhá diç l pobo, coraçon que nun bei, coraçon que
nun sufre, porque estas beio-las to ls dies, fai-me lhembrar la cuonta de l
celebre ator Raul Solnado “quergas que nun quergas tenes que ser bumbeiro
boluntairo”, eiqui ye l mesmo causo, tengo que mirar para estas obras paradas,
mesmo que nun querga, ye cumo se fusse un castigo que me fui ampuosto.
Mas l melhor
de todo ye que to l mundo sabe que estas obras ye amportante séren feitas,
acabadas sendo ua deilhas ua Scuola Secundaira, que sirbe ua taluda populaçon de la region nun
puode poner an causa la formaçon d’homes i mulhieres que séran las garanties de
l die de manhana, nun puoden cuntinar paradas, cun pena de comprometer l feturo
dua region i de l paiç. To l mundo sabe que para que l ansino seia de culidade ten
que haber cundiçones, ten que haber un sítio cun denidade.
Puode
dezir-se que las obras parórun porque l paiç parou, puis ye, mas l progresso
nun para, l zambolbimiento dua region nun se puode dar al luxo de tener ua
scuola por acabar. Cula formaçon de l jobes dun paíç nun se brinca, subre pena
de starmos a scabar la nuossa sepultura cumo sociadade anstruida, sociadade que
se quier armana i cun nible cultural i de formaçon tecnológica al resto de l
mundo. Ye malo, mui malo, porque a miu ber un porjeto nunca debe ser ampeçado
se nun habir la garantie de se ser capaç de l acabar de fazer.
Cul
alquedute (puonte) que queda antre Corroios i l “Moinho de Maré” l mesmo se
passa ende stá cumo se fusse un bicho de muitas piernas, mas que nun bai nien
lhieba naide para lhado nanhun. Parou i scalha, s’algun die fur ousado yá nun
stá an cundiçones, yá stá pocho, ten que ser botado abaixo, mas cumo to l mundo
sabe el ye amportante, fai falta i sirbe quien porqui passa, el nun fui
porjetado por acauso, quien la pensou cumo bia rodobiaira pensou-la bien. Este
alquedute benie na cuntinaçon de l strada que se fizo até eiqui, i ls altemobles
puodien assi nun passar pula poboaçon i bien mais debrebe chegarien als sous çtinos.
Ganharien
las gientes, l’eiconomie i la poluiçon serie menos, puis quien porqui passa
sabe que nun ye fáçele fazer-lo a la purmanhana i a la nuite.
Ls alquedutes (puontes) son amportantes, este
tamien l ye, tengo ganas de dezir, cun scolas paradas, i puontes por acabar nun
bamos a lhado nanhun.
La crise,
pouco denheiro, díbeda, l défice, nun splica todo i para mal de ls nuossos
pecados l tiempo nun para, i bamos a pagar bien caro este tiempo perdido.
Sem comentários:
Enviar um comentário