29/08/12

L Mundo de l Crime


Diç un dito dezideiro specífico de ls jornalistas que nun hai ambora quando un perro muorde un bispo, mas hai ambora quando un bispo muorde un perro. Na Rebista Sábado, lhieban esso tan a sério que até publicórun ua ambora sobre un repersentante de la Troika que fui roubado an Lisboua.

Na mie oupenion, l testo ten anformaçones amportantes, mas fáltan outras.


Anformaçones amportantes:

- Hai un representante de l FMI, chamado Albert Jaeger, a bibir an Lisboua zde Outubro de l anho passado; ye buono saber esto, porque a las bezes bou al triato ó al cinema, entro an cafés ó dou passeios da pie. Agora, cumo sei que esso puode cousar mala eimage als senhores de la Troika, bou a deixar de fazer estas cousas.

- L eilétrico 28 i l elétrico 15 són ls purferidos de ls carteiristas; cun esta anformaçon, las pessonas que ándan nestes transportes teneran apuis mais cuidado; 

-  L eilétrico 28 staba cheno de turistas, mas inda assí ls carteiristas fúrun capazes de roubar l home cierto i dórun ua eimage de eilebado porfissionalismo, porque anquanto outros passeában, eilhes  stában a trabalhar.


Cousas que fáltan:

- Nun bonda dezir que Albert Jaeger bibe an Lisboua, quando tantos pertueses gustarien de saber la morada cumpleta; 

 - Ls jornalistas fálan de ls carteiristas, mas nun dízen nada sobre ls roubos que són ls précios de la Carris;

- Dízen que la Sábado yá feç ua reportaige subre ls modos de roubo de ls carteiristas de Lisboua, mas inda stou a spera de la reportaige sobre ls modos de roubo de l FMI. Serie mais útel, ua beç que fázen mais bítimas.


Para que nun résten dúbedas a naide, you nun tengo nanhun tipo de simpatias por carteiristas. Mas cunfesso que me adeberti a ler l' ambora i inda se me lembrou outro dito dezideiro, que ampeça por "ladron" i acaba an "perdon".

3 comentários:

ACangueiro disse...
Este comentário foi removido pelo autor.
ACangueiro disse...

ls jornalistas i las telebisones zbían-se de las amboras mais amportantes. Ando a ber pouca Telebison mas un destes dies passou ua reportage para fazer antender que las pessonas tenen que trabalhar até als 80 anhos ou mais. Apuis andan atrás de uas pessonas, que zgracia, a fazer la apologie de l trabalho cun pessonas que nunca soubíran l que ye ir almuorçar fuora, scalha nien casa de banho tenen an casa. Mira que la casa de la zgraciada nun la mostrórun eilhes.
Ua pessona queda tan anrraibada que quaije le dá ganas de zligar la telebison i apuis que bíban de las publicidades que naide beia.

Yá chega.

Fir disse...

Biba, Antonho.

You yá zligo la telebison muita beç, nun tengo paciéncia para esse tipo de reportaiges.

Un abraço,

Fir