23/09/11

JÚLIO RESENDE




"Gostaria de ficar na memória como um pintor da paz"

Júlio Resende





Ye ua grande honra pa la nuossa tierra tener paredes cun pinturas tan guapas de l mestre.

9 comentários:

Unknown disse...

De l tiempo de Salazar!

leonardo antao disse...

Buonas nuites Teresa:

Cuncordo cun bós quando screbeis que “Ye ua grande honra pa la nuossa tierra tener paredes cun pinturas tan guapas de l mestre” Júlio Resende. Guapa ye tamien esta frase del “nun gustarie de quedar na mimória cumo un pintor de paç".

Nun parece mas ye berdade, la paç nun custrói tanto cumo la guerra. Ye un paradoxo, la guerra çtrói, mas tamien custrói, mais de la paç. Ls Países mais zambolbidos de l mundo, cumo l’ Alemanha, l Japon, l’América, … custruíran-se grandes poténcias políticas, tecnológicas, eiquenómicas,… cumo cunsequéncia de duras guerras porque passórun.

Parabienes Teresa, por este guapo retrato.
Cun amisade i gratidon, aceitai un beisico de Antão.

Teresa Almeida disse...

Buonas nuites Almendra!

Ye mui guapo l tou retrato tamien.
Tierras deiqui, nuossas.

Un beisico

Teresa Almeida disse...

"nun gustarie de quedar na mimória cumo un pintor de paç"

Eiqui queda la eimenda. Si queda muito mais cierta la frase, cun muito mais balor.
Bien haias Leonardo Antão.
Cun amisade i gratidon bai un beisico de Teresa

Tortulhas disse...

Biba, buonas nuites, porsora Teresa,

You cunfesso la mie eignoráncia de nun saber que ls azuleijos de la "pousada" eran de Júlio Resende. Quedei bien cuntento i cuncordo que ye ua proua para ls mirandeses. Bien hábades por ls haberdes amostrado!

Çculpai tamien de me star a meter adonde nun sou chamado, mas you cuido que stábades cierta na frase que punistes purmeiro: "Gostava de ficar na memória como um pintor da paz" afirmatiba, al menos fui assi que la frase bieno ne ls jornales, cumo inda se puode ber eiqui nas eidiçones on line.

Isto nun ambalida la "apologie de la guerra" de l amigo Leonardo - biba, un abraço - cun la qual you stou an cumpleto i abseluto zacordo, por rezones que anté me çpenso de screbir.
Nun lhebeis a mal, mas you cunfesso-bos anté que la li dues ó trés bezes, que quaije me custaba a acraditar ne l que staba a ler benindo de bós, inda que you saba que sodes melitar i que de guerras sabereis bien más que you.

Abraços,
Alfredo

Teresa Almeida disse...

Cumo you gusto d'andar porqui a falar de ls azuleijos de Júlio Resende. Pena you nun saber tanto de mirandés cumo bós, mius queridos amigos.
Oubrigada porsor Alfredo, nun sós ua pessona que se calha quando sabe i sabes que bou adonde seia para t'oubir, ye berdade. Tenes grácia i talento i esso nun ye para todos.
Tornando a Júlio Resende, you tamien li la frase que screbi eiqui ne l Jornal de Amboras, mas nun l tornei a achar. Pensei que talbeç me tubisse anganhado. Assi i todo, tamien antendo qu'ua pintura tanto puode ser un sinal de paç cumo un zafio, ua porbocaçon.
Júlio Resende merece que cuntinemos a saber de la sue arte i merece que porsores cumo Alfredo Cameirão scríban acerca del.
Cuntinemos...

Beisicos
Teresa

franciscobelharino disse...

Buonos dies Teresa,

Parabienes por benires al nuosso froles i te juntares a esta quadrilha guapa. Buona eideia essa de lhembrares que Miranda ten pinturas de Júlio Resende ende na pousada. Quanto a la frase de Júlio Resende, na última antrebista que dou hai trés anhos pa la telbison i que passou agora aquando de la sue muorte el diç. Gostarie de ser lhembrado cumo un pintor de Paç.

Un abraço,
Francisco Domingues

Teresa Almeida disse...

Buonas nuites Francisco
Bien haias.
Inda bien qu'oubiste l'ambora na telbison a cunfirmar l J N.
Ye berdade, gusto de pertencer a esta quadrilha tan guapa. Ls ancuontros an que stube, ls dous redadeiros, fúrun animados i muito bien ourganizados.
Parabienes amigos.
Beisicos
Teresa

leonardo antao disse...

Buonas nuites Teresa i Alfredo Cameirão:

Gustei de las buossas simpáticas refréncias al miu houmilde comentairo, an special de la çcordáncia de l Alfredo Cameiron cul miu pensamiento ne l respeitante a la guerra.

Sou i siempre fui un home de paç, mas por formaçon ( ó deformaçon) na ária de la stória melitar de las andustrias de material de defesa (i de guerra) i de las fortificaçones i custruçones melitares, berifiquei l paradoxo de la guerra “çtrói, mas tamien custrói, mais de la paç”.

Ls países qu'andórun i andan an guerras, cumo ye l causo de ls Etados Unidos de la América, ambiste mui na ambestigaçon i zambolbimiento d'altas (nuobas ó eimergentes) tecnologies relacionadas culs perdutos de defesa, por antermédio de l Massachuts Institut of Tecnologie (MIT) que cuntribuen mui pa l zambolbimiento de dibersas outras andustrias aplicadas a la ária cebil.

Por eifeito de a 2ª guerra mundial, la Almanha trasformou-se ne l melhor fabricante d'outomobles de l mundo i la Fráncia nun de ls melhores fabricantes d'abiones.

Esto daba para ua grande çcusson, i até puode acuntecer que you steia errado, i tu Alfredo tengas rezones para star “an cumpleto i abseluto zacordo”.

Aprecio, cun muita sastifaçon, esta tua fruntalidade an especial esta “quaije me custaba a acraditar ne l que staba a lher benindo de bós, inda que you saba que sodes melitar”. Proba que yá berifiqueste que lhuito mui para bibir an paç cun toda la giente, an criar amisades i an “amar l próssimo cumo a mi mesmo” cumo manda l mandamiento que resume todos ls mandamientos.

De l fondo de l coraçon, agradeço Alfredo, este tou antressante comentairo, cun arrochado abraço de,
Leonardo