14/01/16

Rialidade amargosa (Bilingue)




You yá perdi la cunta, porque son muitos ls anhos que ne l berano, ne ls redadeiros dies de l més de júlio i ampeço d’agosto passo arrimado a quatro sumanas na mie aldé, adonde naci i me criei.
Porque me gusta, m’agrada i nun l fago por mais bezes i mais tiempo, bias la mie bida inda star lhigada adonde moro, Lisboua.

Cumo se fusse ua repetiçon, mato las saludades agarradas durante l anho, bibo i rebibo ls tiempos que passei ende até me scapar cumo boluntairo pa la marina.
Todo esto será pouco amportante i se calha nien mercie ua lhinha de scrita, mas l que merece muito i muitas lhinhas ye ua rialidade amargosa, las cousas cul patrimonho houmano nun son l mesmo. Essa reserba houmana que you ancuntraba porqui, bezinos, parientes, amigos, an special las personas de mais eidade stá acabando. 
Porqui andában dando bida a todo, als huortos, lhatas, binhas, a sues casas i palheiros, a las rues, cumponíen ls puiales a la puorta nas horas de çcanso, filando, fazendo renda ou ambersando, trabalhado palos, brimes ou ne l amanho de cunferrumes. Dában-me las buonas benidas i quaije siempre éran eilhes a acertar l caléndairo de ls anhos atrasados, éran la mie lhigaçon culs açussedidos. Cun eilhes partelhaba las amboras de l que fui buono ou malo, las cuontas guardadas.

Puode la mie tierra fazer las demudas que quejir, nas ruas, ribeiros, praças, casas, cabanhales, poner-se guapa cul turismo ou benediços, aceito todo, l que peçque me custa aceitar ye que seia un zerto, quede sien naide,  porque se fúrun, l patrimonho houmano seia menos.
Sien giente.
Custa-me aceitar que se baia l que de mais rico siempre tubo, las personas, aqueilhes a quien you debo todo, que quede sien la mimória coletiba.

Todos aqueilhes que se ban (de beç), lhíeban cun eilhes ua semba d’afetos i un cachico de mi.

Cun amargor cunfesso faien-me falta ls apertos de mano, ls abraços, ls beisicos de las personas que fazírun parte de la mie bida i que yá se fúrun de beç.
Sei que nada puodo fazer, la bida ye ua ruodra, sei que anquanto acá andubírun dórun l sou melhor, debo a eilhes quedar ne l sou lhugar para passar l teçtemunho als mais nuobos, mesmo que por alhá séian poucos.
Todos eilhes inda ls tengo comigo.
Hai pessonas, momientos, cousas tan baliosas que nunca se muorren anquanto cá andubir.

Em Português
 

Realidade amarga
Já perdi a conta, porque são muitos os anos que no verão, por volta dos finais de julho principio de agosto, passo aproximadamente quatro semanas na minha aldeia, onde nasci e me criei
Porque gosto, agrada-me e não o faço mais vezes e mais tempo porque a minha vida está ligada onde vivo, Lisboa.
Como se fosse uma repetição, vou matando as saudades de um ano, vivo e revivo os tempos que lá passei até que me alistei de voluntario na marinha.
Tudo isto, pouca importância terá, e talvez nem merecesse uma linha escrita, mas o que merece muitas e muitas linhas é a realidade amarga, a situação com o patrimônio humano, porque já não é o que era.
Essa reserva humana que antigamente encontrava, vizinhos, parentes amigos em especial as pessoas de mais idade está acabando.
Por lá andavam dando vida a tudo, as hortas, parcelas de terreno, vinhas, as suas casas e palheiros, as ruas, compunham os assentos a porta nas horas de descanso, fiando, fazendo renda ou conversando, trabalhavam a madeira, os cestos e reparavam os utensílios.
Davam-me as boas vindas e quase sempre eram eles faziam as contas dos dias de chegada e referencias aos anos atrás, eram a minha ligação aos acontecimentos. Com eles partilhava as novidades, o que foi bom ou mau, as histórias guardadas.
Pode a minha terra fazer as mudanças que quiser, nas ruas, ribeiros, praças, casas, pôr-se bonita pelo turismo ou com pessoas vidas de fora, aceito tudo, o que me parece que me custa a aceitar é que seja um deserto humano, fique sem ninguém, porque se vão, o patrimônio humano seja menos.
Sem pessoas.
Custa-me aceitar que se esvazie do que mais rico teve e tem, de pessoas, sem aqueles a quem devo tudo, fique sem memória coletiva.
Com muita amargura confesso, fazem-me falta os apertos de mão, os abraços, os beijos das pessoas que fizeram parte das minhas férias, da minha vida e que já se foram de vez.
Sei que nada posso fazer, a vida social é uma roda, sei que enquanto cá andaram deram o seu melhor, devo a eles ficar no seu lugar para passar o testemunho aos mais novos, mesmo que lá não sejam muitos.
Tenho-os comigo
Há pessoas, momentos, coisas tão valiosas que nunca se morrerão enquanto cá andar.
 

 

Faustino Antão

4 comentários:

Unknown disse...

Biba Faustino,

Gustei de ler este buosso testo cumo acuntece siempre i dou-bos l miu parecer aqui porque inda nun tengo facebook, puode parecer ancrible mas ye berdade. Cumpreendo que ye mui defícele ber cumo ciertas aldés, ciertos sítios, deixórun de ser l que siempre fúrun... i la desertificaçon de l anterior de l Paíç acentuou-se nestes derradeiros anhos...
Mas nun ye preciso muito para mos apercebermos i cuntinuarmos cumbencidos de todo l balor que representan todas essas tierras adonde naciemos.
You que tamien passo alhá pouco tiempo durante l anho (pul menos por anquanto) sei l que me soube por eisemplo, an Sendin hai dies, un cachico de « bocha » cozida ne l último die de l anho que acabou, ua bocha feita por ua prima mie que bibe alhá, que ten la mesma eidade que you i que cuntinua a fazer fumeiro... nesse mesmo die, purparemos tamien uns camarones que cumpremos nun de ls comércios que hai nessa bila i que benien de la India, purparemos-los de la melhor maneira possible, cun whisky i todo... mas l cierto ye que fui la bocha cozida, ua cousa tan simpres cumo ua bocha!, feita anteiramente alhi mesmo an Sendin que tenie un gusto special que mos ancantou. Sabie a simplicidade, a cousas nuossas i ancestrales. Ye esso todo que las pessonas, nós todos, tenemos que cuntinuar a apreciar i dar a cunhecer als outros, ancentibando-los a benir i passar tiempo eilhes tamien nas nuossas aldés. Hai mesmo que arranjar maneira i soluçones para que esso seia cada beç mais possible i nó l cuntrario .

Ana Maria Fernandes

leonardo antao disse...
Este comentário foi removido pelo autor.
leonardo antao disse...

Buonas nuites Faustino!

La lheitura deste tou guapo testo ten ua mensage mui delerosa e atual que çtaço: "Cun amargor cunfesso faien-me falta ls apertos de mano, ls abraços, ls beisicos de las personas que fazírun parte de la mie bida i que yá se fúrun de beç".

Çculpa-me l cunseilho d'amigo, l caminho mais curto para acabardes cun essa amargor ye l de perdonar las faltas (que todos cometemos) abrires ls oubidos, stender las manos, abrires ls braços, dialogar cun essas personas que fazirun parte de la tue bida, i acuolher las sugestones deilhes! I assi nunca mais sentirás amargor, i nunca mais deixarás de tener amigos!?

Un abraço (de l siempre tou amigo),
Leonardo

Teresa Almeida disse...

La soudade fai-mos screbir cun amargor i, ye cierto, q' este ye un camino custoso daprender.
Parabienes pul testo, Faustino.
Abraço.