23/02/15

Lançamento da Biografia de Amadeu Ferreira



Lançamento da Biografia de Amadeu Ferreira
 Será lançado na  Faculdade de Direito da Universidade  Nova de Lisboa,  sob os auspícios  da sua Directora Profª Doutora Teresa Pizarro Beleza, no dia  5 de Março de 2015, pelas 18 horas.
 A apresentação será feita pelo Juiz Desembargador Dr. Luís Vaz das Neves, Presidente do Tribunal da Relação de Lisboa. 
 Às 102 pessoas que assinam depoimentos ou estudos críticos, renovo os meus agradecimentos pela sua preciosa colaboração.
Informação de: Teresa Martins Marques (Envestigadora integrada na CLUPUL)
.................................................................................................................................................
Amadeu Ferreira ye associado ounorário de l'Associaçon Cultural i Recreatiba Nial de la Boubielha (ACRNB).
-Cumo porsor, studioso, ambestigador de la lhéngua i cultura mirandesa, ye grácias a el que l'Associaçon medrou nua de las sues bertentes anque mais se çtinguiu. Lhecionou i pormobiu cursos de daprendizaige de l mirandés screbido segundo las reglas de la Cumbénçon Outográfica, cursos adonde ls associados acurrírun siempre an grande númaro. pormobiu atrabeç de las publicaçones na "Fuolha Mirandesa" de l Jornal Nordeste al lhargo de muitos i muitos anhos, crónicas, cuontas, reportaiges, antrebista de ls alunos, fruito de l daprendido i de la motibaçon quel cumo home, amigo, lhuitador por causas nobres cumo ye la lhéngua i cultura mirandesa, sabe ourientar i motibar ls sous alunos.
-Sendo l'Associaçon C. i R. Nial de la Boubielha cumpuosta por Zenízienses i amigos, debe a el i al sou trabalho de ambestigaçon decumiental l maior númaro de  publicaçones  antigas anté hoije conhecido. Cumo amigo de la region i an particular de Zenízio, somos coincedores de la stória, dun tiempo yá bien datrás, anque mos podemos ambaidecer .
-L'Associaçon puode hoije dezir, que ye fruito de l sou trabalho que ten ne ls sous associados la maior quemunidade de scritores an mirandés, pulas partecipaçones an cursos i palhestras, pulas publicaçones an lhibros, ne ls jornales i rebistas. Sendo la dibulgaçon, perserbaçon de la lhéngua mirandesa ua de las bertentes que l'Associaçon, se assi ye solo puodemos star ambaidecidos por todo aqueilho que Amadeu Ferreira mos dou.
Un bien háiades. Un fuorte abraço de toda la quemunidade Zeníziense


2 comentários:

leonardo antao disse...

Buonas nuites Faustino,

Gustei muito deste tou antressante testo, que mos ourgulha, por tenermos Amadeu Ferreira cumo Associado Ounorário de l'Associaçon Cultural i Recreatiba Nial de la Boubielha (ACRNB).

Ye mui amportante çtacar que “L'Associaçon puode hoije dezir, que ye fruito de l trabalho de Amadeu Ferreira que ten ne ls sous associados la maior quemunidade de scritores an mirandés,…” i por esso, “ stamos mui ambaidecidos por todo aqueilho que Amadeu Ferreira mos dou”.

Un bien háiades i un fuortíssemo abraço a Amadeu Ferreira, de toda la quemunidade Zeníziense.

Parabienes a bós Faustino pula dibulgaçon deste salimiento de la Biografia de Amadeu Ferreira.

Un abraço,
Leonardo

franciscobelharino disse...

L Nial de la Boubielha ten que sentir muita proua por tener cumo sócio honorairo Amadeu Ferreira que tanto dou a esta associaçon, sien que tenga pedido nada an troca. Tal cumo Faustino diç sien Amadeu ls associados de l Nial de la Boubielha nunca tenerien daprendido a screbir i a ler mirandés i, serien decierto mais probes por nun saber screbir i ler la lhéngua que fui pa la maiorie de nós la lhéngua materna.