10/09/12


UN DIE DE CADA BEÇ

Mais un die, que passou
Culs sous tantos momentos
Que mos lhieban a squecer
Que la bida nun ten tormentos.

Até mos lhieba a squecer
Daquel outro que passou
I sien mos darmos de conta
Tanto trabalho mos dou.

I cun sacrificio passou
Aqueilha hora amargosa
I quedemos tan cuntentos
I deziemos, la bida ye gustosa.

Outro benerá, i mos fará
Doutra maneira pensar
Quando sien qualquir razon
Nun mos deixa atinar.

Porque hai siempre un senó
Por mais feliç que stés
Por isso ye melhor bibier la bida
Un die de cada beç.

Nesta bida que dórun
Para nós neilha ruodar
Haberá siempre altos i baixos
Que tenemos que passar.

José António Esteves
Lar de San Jesé Bumioso

3 comentários:

ACangueiro disse...

que suidades you tenie
de bos eiqui!
Agora que aparecestes
i bersos mos destes
solo bos puode dezir
cumo bós mui bien dezis:
"bibir la bida
un die de cada beç."


José Esteves disse...

oula TIU Cangueira. Oubrigado por esss palabras tan guapas.

Pus outro inda mais outro
Muitos beneran a seguir
Que mos lhieban a dezier
Que la bida ye para la bibier.

Abraços
José António Esteves.

José Esteves disse...

oula TIU Cangueira. Oubrigado por esss palabras tan guapas.

Pus outro inda mais outro
Muitos beneran a seguir
Que mos lhieban a dezier
Que la bida ye para la bibier.

Abraços
José António Esteves.