PROBE CUNSTITUIÇON

Essa nuossa cunstituiçon

Anda siempre a ser biulada

Por isso a qualquir die

Yá deilha nun resterá nada.

Dantada deiqui, dantata deilhi

Dexan-la quaije çfeita

Tamien para que la queremos

Se yá naide la respeita.

Mas debiesse respeitar

Que ye l garante de la Naçon

Até ye eilha que mos diç

Cumo ye que las cousas son.

Mas ls nuossos antandidos

Yá l perdírun l respeito

Por eilhes fázen uzo deilha

De l jeito que l dá mais jeito.

Bamos alhá senhores antandidos

A ber se tomais algun jeito

Que la nuossa cunstituiçon

A todos mos merece respeito.

I porque bós até sabeis

Porque la andubiestes a studar

Por isso ampeçando por bós

Tenemos que la respeitar.

José António Esteves

Lar De San Jesé Bumioso