21/09/12

LA ARTE DE MIU ABÓ


Camino la raia arriba
dreitos a Bobineira,
cun las tejeiras ne l saco
i bint' eiscudos n'algibeira.

Iba a çquilar oubeilhas
por todas aqueilhas aldés
i quedaba-se pulhi
más ou menos um més.

Miu abó era çquilador
i tamien era pedreiro.
Tenie que trabalhar muito
para ganhar pouco denheiro.

Dezien q'era un artista
de purmeira classe.
Nun habie ningun amo
que muito nun l agabasse.

Cun el íban dous ou trés
i formában ua eiquipa.
Tanto randien no trabalho
cumo açpuis na pipa.

Arzelheira, Ceadeia,
Rabanalles i Matelhanes,
corrien ceca i la meca,
todo por sues própias manos.

Al fin de la temporada
bolbien para Samartino
cun l denheiro que tenien ganho
I l bandulho cheno de bino.

Un poema de: Maria da Conceição Alves i Álvaro Galhardo


Sem comentários: