04/09/12

Amigo, ajuda-me tu







Amigo, ajuda-me tu!

Pido que l mundo me splique
Lo que nun quiero aceitar
L mundo nun diç nada
L mundo nun sabe splicar

Amigo, splica-me tu!

Dezi-me porque las lhágrimas
Se me sécan sien salir
M´antúpen todas las palabras
I nada yá sei dezir

Amigo, diç-me-lo tu!

Dizi-me porque hai tanta fome
I tanto ouro a relhuzir
Precurai als altos diuses
Porquei nun quieren oubir

Amigo, oube-me tu!

Pregunto al aire qu´eiqui passa
Apressiado i a fungar
Cumo mos sécan las fuontes
De tanto d´alhá le tirar

Amigo, nun deixes tu!

Nun deixes porque you sou
Dun pobo que stá calhado
Mas se la lhágrima me sal
Cun todo l que stá antalhado
Anque séia cun bózio rouco
Cortaremos l´augueira a  la fuonte
Pa la guiar para outro lhado
I que regue quien ten pouco

 Amigo, ajuda-me tu!



 

3 comentários:

Ana disse...

Ban secando las fuontes, Adelaide, anfeliçmente para quien mais percisa nun paíç cumo Pertual por eisemplo mas adonde ls dirigentes políticos parece que ténen miedo de eisigir que ajuden a resolber la crise aqueilhes que mais puoden: pessonas cun rendimientos de mais de 10 000 euros mensales ou muito mais até cumo se esses ricalhaços ye que percisássen eilhes de séren portegidos!
Haberá justiça social se por acaso esso acuntecir un die, quando todos fúren matar la sede na mesma fuonte i houbir auga que chegue para todos.

Adelaide Monteiro disse...

Bien falado Ana.
Ye todo tan anjusto...

Un beisico,

delaide

Adelaide Monteiro disse...

Bien falado Ana.
Ye todo tan anjusto...

Un beisico,

delaide