Ls bilhós

Fui nua manhana frie i gelada. Marcelino inda staba bien andrumenhado. Abaixou las scaleiras cua priessa que nien garoto mordido por bicho.

Mas la fugida nun durou muito.

Fui-se a la cozina, ancarrapitou-se nun talho, assomou-se a la malga, i la priessa birou choradeira. Nun berrieiro, chamaba pula mai.

-Ah mai, ls mius bilhós nun stán acá adonde ls poni onte al serano!

La mai, que yá sabie la manha de ls armanos, abanaba la cabeça, cumo quien diç, mais ua beç l mais nuobo fui la bítima. Mimou-lo para l tirar daquel zaspero.

-Mas tu tenes la certeza que los deixeste ende? Nun serie noutra malga?
- Tengo mai, fúrun eilhes outra beç, çcubírun l miu scundideiro.

Marcelino culs sous seis anhos d'eidade, berraba que nien un perdido.

- Pronto nun chores mais, dixo-le sue mai. Calha-te un cachico que you bou a dá-le ua ansinadela, que eilhes nunca mais se ban squecir. Ls tous bilhós bás a tené-los de buolta.

Marcelino, a la nuite, quando assórun las castanhas, negociou culs armanos ls bilhós tirados de la malga.

 Eisegéncia de sue mai.

--------------------------------------------------------
Os bilhós

Aconteceu numa manha fria e geada. Marcelino ainda estava bem dorminhoco. Baixou as escadas com pressa como se tivesse sido mordido por um bicho.

Mas a pressa não durou muito.

Foi a cozinha, subiu num banco, espreitou para malga, e a pressa virou choradeira. Num berreiro, chamava pela mãe

-Ah mãe, os meus bilhós não estam cá onde os pus ontem ao serão!

A sua mãe, já sabia da marotice dos irmãos, abanava a cabeça, como quem diz, mais uma vez o mais novo foi a vítima. Mimou-o para o tirar daquele desespero.

- Mas tu tens a certeza que os deixas-te aí? Não seria noutra malga?

- Tenho mãe, foram eles outra vez, descobriram o meu esconderijo.

Marcelino contava seis anos de idade, berrava que nem um perdido.

-Pronto não chores mais, disse-lhe a mãe. Cala-te um momento que eu vou a dar-lhe uma ensinadela, que eles nunca mais se vão esquecer. Os teus bilhós vais tê-los de volta.

 Marcelino, a noite, quando assaram castanhas, negociou com os irmãos os bilhós tirados da malga.

Exigência de sua mãe