12/12/14

Precisamos dun Stado que dê un bien melhor eisemplo !




Staba a percisar de renobar l miu passaporte, neçairo para biajar fuora de l'Ouropa...

Quando soube que l passaporte pertués m'iba a custar 75 ouros para ua balidade de solo cinco anhos, cheguei lhougo a la cuncluson que l próssimo tamien iba a ser francés (porque tengo las dues nacionalidades) na medida an que esse solo custa un cachico mais - 86 ouros - mas cun ua balidade de 10 anhos.

Pensei: ye dessa maneira que quier ganhar denheiro cumigo l Stado Pertués ? Só se you nun soubisse cuntar ou nun quejisse eiquenomizar 64 ouros al cabo de diez anhos sabendo que ye (na medida an que tengo essa possebilidade)  bien mais fácele mandar fazer un passaporte francés mesmo acerquita de casa que de l mandar fazer nun cunsulado que queda mais loinge; aquel que queda mais acerca, l de Toulouse ne l miu caso, queda assi i todo a uns 60 kms i hai tamien que resuolber depuis l problema de l stacionamiento sien falar tamien de ls angarrafamientos que hai quaije siempre naqueilha cidade que ye ua de las maiores de l sul de la França.


Acuntece que fui até esse cunsulado assi i todo, nestes dies; mas se soubisse hoije l que sei, talbeç nien tubisse ido alhá. Fui, porque sabie que l miu bilhete de eidentidade pertués yá staba, zde febreiro, fuora de prazo  (Esto ye la proba que me faç mais falta l bilhete de eidentidade francés que de l B.I. i agora Carton de Cidadano pertués) mas fui subretodo por ua rezon : para poder cuntinuar a botar nas eileiçones (legislatibas i presidenciales para ls cidadanos pertueses que resíden ne l strangeiro)...

Fui... i al chegar alhá percisei de ir antes a la casa de banho que por acaso queda ne l sterior de l eidifício. Nun era la purmeira beç que you iba até esse cunsulado, yá quando you tenie pouco mais de 10 anhos, era tamien eilhi que iba cun mius pais para mandar fazer ls bilhetes de eidentidade cumo tamien ls passaportes que éran oubrigatórios naqueilha altura, até para ir a Pertual. Mas desta beç, notei que l pequeinho spácio dedicado als sanitários staba sujo cumo nunca: fuolhas de árbores que tenien antrado por baixo de la puorta i que naide habie barrido, ua limpeza puls bistos aleatória i l pior : un ruolo de papel yá cumpletamiente baziu! Mau!, pensei you eimediatamiente. Ls cortes que ampón l Stado Pertués até chégan aqui ne l strangeiro, mas que mal fazimos nós, que mal fizo you, you que até podie nun tener benido a gastar denheiro para mandar fazer un Carton de Cidadano pertués que pouco me bai a fazer falta, solo para poder botar un die destes ?

L cierto ye que tube que pagar 30 ouros: solo para quien quier! pensei you, porque an cumparaçon se hoije tubisse que mandar renobar l miu B.I. Francés, por un lado nun tenerie que pagar nien un céntimo, ye grátis, por outro tamien nun tenerie que me deslocar tan loinge, sien falar tamien que l B.I. Francés ye bálido 10 anos ou até mais anquanto que este nuobo Carton de Cidadano pertués que mandei fazer nesta quarta-feira só tenerá ua balidade, pul que sei de momento, de 5 anhos.



Amigos leitores, apeteciu-me dar a saber estas cousas subretodo para que an Pertual saban tamien l que se passa fuora cun nós ls eimigrantes... Talbeç l pouco antresse que parece mostrar hoije L Stado Pertués an relaçon als sous cidadanos que biben fuora tenga cumo cunsequéncia al fin i al cabo un cierto zantresse tamien de la nuossa parte an querer afirmar custe l que custar la nuossa eidentidade pertuesa. Mas quien ye que ten culpa? Ye que se l Stado Pertués ten deficuldades financeiras hoije, ls simpres cidadanos que somos todos na nuossa grande maiorie (steiamos a residir dentro ou fuora de l País) tamien nun las tenemos? Tenemos, claro, i por esso mesmo percisamos dun Stado que dê un bien melhor eisemplo, l eisemplo dun Stado mais generoso (i generosidade nun quier dezir oubrigatoriamiente desperdício), un Stado anteligente, bien mais acolhedor i que gusta i acarina todos ls sous cidadanos, até aqueilhes que biben loinge.

3 comentários:

CE3AP disse...

Dezembro de 2011
Com o passaporte prestes a caducar e sem ter previsto viajar a Portugal nos meses seguintes que remedio senao deslocar-me a Barcelona, a 100 kms da minha residencia para renovaçao do dito documento. Preço 75€ !!
Com a obrigatoriedade de ter de perder outra manha de trabalho e fazer 200 kms para depois o ir recolher, optei pela modalidade de envio desde Lisboa directamente a minha casa via postal. Preço + 30€ !!
Como na altura já vivia há 8 anos fora do país fazia muito que o meu B.I. já era, entao pela 1ª vez decidi fazer o Cartao do Cidadao. Preço 20€ !!
Resumidas as contas gastei 125€ nestes 2 documentos, ser emigrante e estar documentado nao é para quem quer, é para quem pode.

Ana disse...

Amigo (a), (talvez residente em Andorra ?)

O passaporte só vale a pena mandar fazê-lo ou renovar no caso hoje de precisar viajar fora da CE, o que vai ser (espero bem que sim) um dia destes o meu caso.

Quanto ao Cartão de Cidadão português (para pessoas como eu que têm a dupla nacionalidade, necessário sobretudo para poder votar), penso hoje que podia-o ter mandado fazer em Miranda do Douro (onde não há engarrafamentos) e bastava eu ter indicado (como a funcionário do Consulado de Toulouse me explicou quando lá fui) a minha morada em França...

Tudo leva a crer que o atual governo não aplica de momento medidas encitativas para que mandemos fazer os nossos documentos portugueses nos serviços dos consulados: prova que querem diminuir esses gastos, diminuindo visivelmente também o número dos funcionários consulares ?

Mas o mais certo é que cada vez mais portugueses que residen no estrangeiro entre aqueles que têm a possibilidade de escolher deixem pura e simplesmente caducar os documentos portugueses, deixem de votar também para as eleições a que temos no entanto direito... Péssimo para a democracia !
Péssimo para muitas outras coisas também !

Como não reagir ?!!

CE3AP disse...

Sou residente em Girona, capital de uma das 4 provincias Catalães. :)
Se vivesse em Andorra ainda tinha de fazer mais kms porque segundo me disseram o Consulado Português em Andorra depende do de Barcelona e acho que para renovações de documentos os portugueses que vivem lá têm de se deslocar à capital Catalã.
Na verdade custa-me acreditar que assim seja pois em Andorra vivem cerca de 18.000 portugueses segundo os ultimos dados publicados, e fazer cerca de 350 kms ida e volta acho no mínimo injusto e sem sentido já que estamos a falar de uma grande comunidade, mas enfim!
Em relação aos preços a pagar pelos passaportes, realmente para um cidadão "normal" que muito raramente viaja fora da C.E. sai caríssimo, por exemplo no meu caso pessoal em 5 anos posso fazer como muito 2 viagens ...

FELIÇ ANHO NUOBO !!
FELIÇ ANY NOU !! (catalão)