An mirandés, hai quien se tenga tamien lhembrado de eiditar na Biquipédia un artigo subre l "comandante" i para saber quien tubo l'eineciatiba i quando, bonda ir al "stórico de eidiçones"... Puls bistos fui Cecílio ne l die 23 de junho de 2009.
L que quier dezir que esse artigo stá a percisar de ser atualizado...
I sabendo l que se passou inda nestes dies, quien soubir tratar desse assunto, yá sabe. Quien tubir tiempo tamien i ye fã desse atleta i campeon. You nó porque me falta tiempo i nunca cheguei a eiditar l quier que seia nessa anciclopédia an linha. Mas antre ls leitores de certeza que hai quien saba i guste destas nuobas ferramientas. Bonda anton querer.
5 comentários:
Buonas nuites Ana Marie!
Ye ua eicelente eideia, porque na passada Quarta feira, die 20 de Nobembre, Cristiano Ronaldo concretizou ne l relbado l que cantou antes de l jogo “Heiróis de l mar, nobre pobo Naçon baliente i eimortal, Lhiebantai hoije de nuobo, L splendor de Pertual”.
Nas tierras de ls poderosos “Vikings”, cun trés eicelentes golos, lhiebantou mui alto l splendor de Pertual i cunquistou l camino pa l Brasil.
Ls pertueses festejórun i la quemunicaçon social mundial sgotou-se an eilogios para amostrar que ye persentemente l melhor jogador de bola de l mundo.
Un arrochado abraço,
Leonardo
Buonas nuites, Leonardo,
Bisto l antusiasmo que ye l buosso bien cumpreensible hai anton mil i ua rezon para deixar nessa tal anciclopédia buns testemunhos cumo l buosso.
Candidatos para redatores son por isso bienbenidos. Porque para dezir la berdade, quien nun gusta de ber tamien referenciada nessa anciclopédia ounibersal (pula cierta la mais cunsultada hoije an die)la lhéngua mirandesa? Ye por esso que cada un bai a tener que cuntribuir dua maneira ou doutra.
Un abraço, Leonardo
Ana Maria
Buonas nuites Ana Marie!
Eiqui bai mais ua oupenion que you tengo oubido a alguns amantes de l futebol:
L fenómeno çportibo ten ganho cun Cristiano Ronaldo un oumiento progressibo de sentido de “jogo” cumo outéntica atebidade lhúdica i de grandes negócios para muitos setores de atebidade i para muitos profissionales lhigados a las árias çportibas.
L cunflito çportibo que recentemente splodiu cun ua crítica a Cristiano Ronaldo, puso an eibidéncia l bun senso, la culidade i l'eiceléncia çportiba deste “gigante pertués” que lhiebantou mui alto l splendor de l futebol.
Un arrochado abraço,
Leonardo
Enviar um comentário