05/06/13

Bergáncia an tierra "brasilis"



Cara E.,

Scribo-te hoije para te preguntar se ye berdade que nestes dies Bergáncia bai recebir ua delegaçon benida de l Brasil (Pará) ?

Se tubires la possebilidade de cuntatar alguns membros, pedie-te l fabor de les dares las mies cordenadas (ó de les pedir las deilhes causo seia possible) porque gustarie de saber se starien d'acuordo para stablecer tamien cuntatos cula Fráncia, neste causo cun scuolas i you ajudarie.


Debo dezir qu'acho straordinairo qu'haba ua cidade cul mesmo nome que la capital de l nuosso çtrito a mais de 6000 kms de çtáncia i cun mais de 100 000 habitantes (!) situada praticamente na linha de l Eiquador ! Eimagina las temperaturas i l clima que dében tener alhá ! 


Por outro lado, podemos ler esto na Wikipédia na berson pertuesa, ou melhor na berson brasileira : «  Franceses liderados por Daniel de la Touche , senhor de La Ravardière, fúrun ls purmeiros ouropeus a coincer la region de l Caeté an 8 de julho de 1613. Era habitada pula naçon tupinambá. »


I nós, an Fráncia, tenemos hoije l hábito de comer "topinambours"  (de "tupinambo, probeniente de ls Tupinambás, pobos andígenas que bibien ne l Brasil. Alguns andibíduos desses pobos fúrun lhebados a Paris an 1613 na mesma era an que se difundiu l cultibo desta planta na Fráncia i lhougo al resto de la l’ouropa, l que fizo que ls ouropeus associassen ls andígenas brasileiros a la planta d'ourige norte-amaricana.")

Beijicos, E.



Sem comentários: