mama -s.f. - Emprego lucrativo e sem grande esforço. = CONEZIA, SINECURA, TACHO, TETA, VENIAGA
andar à mama - parasitar, viver à custa alheia.
cumo nun ancuntrei las definiçones an mirandés, deixo-las an pertués, cuido que nun seran mi çfrentes. eiqui:http://www.priberam.pt/dlpo/default.aspx?pal=mamar
Bieno ne ls jornales i naide zmintiu que l Menistério de l'Eiducaçon, an 2012, cunta gastar 16 melhones de ouros an studos i pareceres - 16 277 778 - 16 melhones i uas forfalhas, bah, más ó menos 3 melhones i picos de contos, para mos antendermos bien.
Stá buono de ber que you nun antendo nada de studos nien de pareceres i talbeç inda menos d'eiducaçon, mas, assi i todo, i cumo bun pertués, mesmo nun antendendo nada, gustaba-me deixar eiqui un quemantairo a esta ambora tan antressante:
será que l tiu que anquemenda estes studos i pareceres todos ye l mesmo que dixo que solo iba a fazer las cuntrataçones de porsores "estritamente necessárias", que nien l cuntribuinte pertués podie antender ua cousa çfrente?
Ye que a mi "cheira-me" que l "cuntribuinte" pertués tamien ten algua deficuldade an antender este semideiro de denheiro an studos i an pareceres. You al menos cunfesso que tengo i tamien sou "cuntribuinte". Pouco, mas tamien sou, ora essa.
Buono, talbeç amostrando quien fai ls tales studos se çcubríssen cousas angraçadas i yá todos ampeçássemos a antender melhor porquei ye perciso ua porrada tan grande deilhes.
You nun ye por nada, mas na parte que me duole, i cun cuontas assi por alto, 16 melhones de contos - i uas forfalhas - a pagar doze meses por anho, zero mata zero i bai un, daba para cuntratar más uns 1300 porsores. I inda sobrában uas forfalhas.
Dezi-le agora que you solo me queixo ampurrado por "antresses corporatibos" que you nun me arrelio. Para bos ser franco, l que me arrelia más nesta matrángola toda ye que apuis l "respunsable" amostra-se al mundo cumo se fusse giente séria i quier que un se finte que anda cheno de buonas antençones. Ora, carai, que baia a fazer caçoada de quien le fizo las oureilhas...
4 comentários:
Buonas nuites Tortulhas,
Son situaçones cumo esta que fázen cun que muitos de nós passemos d'eignorados a andignados.
Un abraço,
Leonardo
I ls ajudantes que méten alhá i todos aqueilhes técnicos a quien págan buonos ourdenados sírben para poner an jarras a anfeitar ls gabinetes cumo se fússen marianas floridas. Se méten gente tan capaç para quei precísan de gastar fuora????
Haba pacéncia!!!!
Un chi
A.
I ls ajudantes que méten alhá i todos aqueilhes técnicos a quien págan buonos ourdenados sírben para poner an jarras a anfeitar ls gabinetes cumo se fússen marianas floridas. Se méten gente tan capaç para quei precísan de gastar fuora????
Haba pacéncia!!!!
Un chi
A.
Biba, buonas nuites.
Ah carai, apuis de Crato ampobrecer l currículo de ls alunos, oumentar l númaro de alunos por turma, jogar cula bida de ua classe porfissional anteira i oumentar las eirregularidades de ls concursos, cheguei a cuidar que l home nun tenie coraçon.
Nun ye berdade. Nun solo ten un grande coraçon, cumo ye mui generoso cu ls amigos. L home bei que ls amigos stán sin naide que les pida studos i bai de les çtribuir uns denheiros.
L porblema de ls porsores ye que fazírun malas scuolhas na sue bida. Andubírun a studar i a purparar-se, cuidórun que podrien ser úteles al paiç dando classes i squecírun-se de fazer amigos ne ls partidos de l "arco de l poder". Giente que faç estas opçones nun ten nada para ansinar a naide!
Abraço.
Enviar um comentário