Estes retratos fúrun sacado n'Eigreija de Bal Figueira -Sobreda - Almada, por Irene Domingues, durante la Santa Missa de la quemunidade Zeníziense, dezida pul Padre António Morais (Bilachana) ne l die 5 de Febreiro, die que esta quemunidade festejou l "Dous de Febreiro" fiesta de Nuossa Senhora de las Candeias.
5 comentários:
Buonas nuites Irene i Faustino,
Mui oubrigado puls guapos retratos i testos de la nuossa fiesta de la Senhora de las Candenas.
Ye mui reconfortante participarmos eiqui ne ls alredores de Lisboua nua Missa bilhingue (mirandés,pertués). Fazendo uso d'alguas de las palabras de Faustino, ne l testo ambaixo, “la fala cun Dius, pa la maiorie de nós ye mais ua eibocaçon l'a mimória de ls nuossos antepassados, aqueilhes que siempre ancuntrórun na fé la spráncia dua salbaçon, i outra lhéngua nun fálaban”.
Çtaco mais outro guapo cachico de l citado testo de Faustino, “astanho nun fui defrente de ls outros, you atrebie-me a dezir que melhor, la calor houmano i l'alegrie staba bien strilhada na cara de ls persentes, a abaluar pul bruído, las risas i la sastisfaçon de to l mundo. Las pessonas, a miu beç nun percísan de mui para séren felizes, bonda que se sítan antre las sues gientes, la pie de giente berdadeira, i ls Zenízienses siempre l fúrun, spitaleiros, buona giente, giente que sabe recebir, pobo que nunca cerrou la puorta a naide”. Qu'ancantadoras palabras!!
Biba la Boubielha!!!
Biba Zenízio!!!
Para todos ls que participórun neste straordinairo eibento, un arrochado abraço,
Leonardo
Buonos dies a todos!
Quiero, eiqui, deixar ls mius parabienes als Zenízienses i amigos, por tan guapas eniciatibas que zambolben al lhongo de l'anho.Admiro la buossa ounion i la buossa amisade i to l'ampenho que ponen ne ls buossos ancuontros, subretodo al lhembráren la mimória de ls buossos armanos que yá partiran. Guapos eisemplos, sin dúbeda. Fago minhas las palabras de Faustino Anton, quando diç:"las pessons, nun percisan de muito para séren felizes, bonda que se sintan antre las sues gientes".
Un abraço bien arrochado para todos bós.
Eisilda João
Deixo eiqui alguas correçones,... falta de treino de l miu mirandés!!
"fago mies" ; "pessonas"
Tamien nun quiro deixar passar la oucasion para dezir algo. Si!..., Fui un eibento mui guapo e participatibo.
Stamos todos de parabienas
Un abraço
Valter Deusdado
Buonas nuites Isilda,
Mui oubrigado pulas buossas simpáticas palabras an special por este cachico tan guapo para todos “Admiro la buossa ounion i la buossa amisade i to l'ampenho que ponen ne ls buossos ancuontros, subretodo al lhembráren a mimória de ls buossos armanos que yá partiran”.
Un arrochado abraço,
Leonardo
Enviar um comentário