07/02/12

Atibidades Recreatibas/Çportibas

Associaçon Cultural i Recreatiba “Nial de la Boubielha”(ACRNB)




Atibidades Recreatibas/Çportibas



L grupo de trabalho criado na derradeira Assemblé Giral de l’ Associaçon ‘’Nial de la Boubielha’’ cun l oujetibo de criar, ourganizar i dinamizar atibidades i torneios de carátele Çportibo/Recreatibo, ben anformar todos ls associados i amigos que quergan participar nestas atibidades que l puoden fazer yá ne ls dies que abaixo se apersentan:

Die 19 de febreiro, durante toda la manhan -Torneio de sueca, a realizar no Clube do Alto do Moinho an Corroios, (Anscriçones an pares, pa ls telfones de Manuel Dias- 212534516 ou 934357705 anté l die 17/2 a la nuite);

Die 11 de márcio, de las 10h al mei die- Torneio dibulgaçon de l jogo tradicional de l Fito, a realizar no Clube do Alto do Moinho an Corroios, nun ye perciso anscriçones, basta aparceres un cachico antes de la hora marcada i se tubires cunca lhieba-la, mas causo nun la tengas alhá se arranjará ua que te sirba.

NOTA: L grupo irá dando notícias de nuobas atibidades a realizar.

Francisco Domingues

2 comentários:

faustino.antao disse...

Buonos dies Francisco

-Bou a tomar cuonta destas datas i mais arrimado al die publicar-las ne l site de l'Associaçon.

-Parabienes i bun trabalho

-Dai-me siempre nuobas cun tiempo se fur possible.

Un abraço
Faustino

leonardo antao disse...

Buonas nuites Francisco,

Parabienes pula rápida eisecuçon de l porgrama de atibidades recreatibas/çportibas, assi cumo de la sue publicaçon eiqui ne l Froles.

Agradecie l'anscriçon de bastantes associados, para darmos atebidade al Grupo, custituirmos eiquipas, treinarmos, participarmos an torneios i cuntinarmos a lhiebantar las prumas de la crista de la boubielha.

Un abraço
Leonardo