LEITURA DE LS LUSÍADAS AN MIRANDÉS

 

[Retrato de Alcides Meirinhos i Dinis Meirinhos]

LEITURA DE LS LUSÍADAS AN MIRANDÉS – ANTÍDIO RIBAS FERNANDES (Retrato 038)

Antídio Ribas Fernandes (1965), naciu an Samartino de Angueira, cunceilho de Miranda de l Douro. Eiqui studou i lhicenciou-se an Geologie na Faculdade de Ciéncias de la Ounibersidade de l Porto.
Ye porsor de Biologie, na Scuola Secundaira de de Miranda de l Douro. Nacido nua tierra que ten la fala mirandesa na sue alma, fui un gusto oubir Antídio Fernandes a ler Ls Lusíadas, sperando que la sue partecipaçon an einiciatibas cumo esta lo ajúden a mantener biba la nuossa lhéngua.
Apersentou se a ler, acumpanhado de la sue filha Ana Teresa, de sue suogra, Teresa Almeida, i de sue cunhada, Guida Subtil.
Liu las stáncias 95 a 101 de l Canto III.

LEITURA DE LS LUSÍADAS AN MIRANDÉS

[Retrato de Alcides Meirinhos i Dinis Meirinhos]

LEITURA DE LS LUSÍADAS AN MIRANDÉS – ANA TERESA SUBTIL FERNANDES (Retrato 035)

Ana Teresa Subtil Fernandes (2002), naciu an Miranda de l Douro. Studa na EBS de Miranda de l Douro, cun l 5.º anho feito, i ye aluna de la deceplina de lhéngua i cultura mirandesas. Ye mais ua mocica yá nacida ne l seclo XXII i bai daprendendo la lhéngua nas classes i representa todos ls moradores de la cidade de Miranda que agora stan a çcubrir l mirandés, yá que noutros tiempos alhá nun solo nun se falaba, cumo se fazie caçuada de sous falantes. Ana Teresa faç parte de l nuobos mirandeses cun proua na sua lhéngua i deilha speramos que cuntina a apurfeiçar la fala i la scrita de la nuossa lhéngua.
Apersentou se a ler acumpanhada de sue abó, Teresa Almeida, i de sous pais Antídio Fernandes i Carla Subtil Rodrigues. Liu las stáncias 77 a 80 de l Canto III.

LEITURA DE LS LUSÍADAS AN MIRANDÉS

 [Retrato de Alcides Meirinhos i Dinis Meirinhos]

LEITURA DE LS LUSÍADAS AN MIRANDÉS – MARIA TERESA DE JESUS ALMEIDA VAZ RODRIGUES (Retrato 036) 

Teresa Almeida (1949) naciu an Lagoaça, cunceilho de Freixo de Spada a la Cinta, lhugar que fizo parte de la mediabal Tierra de Miranda. Studou na Scuola de l Magistério Purmário, de Bila Rial, adonde se formou an porsora, i ne l Anstituto Superior de Eiducaçon i Trabalho de l Porto (Studos Superiores Specializados an Admenistraçon Scolar).

Ye ua poeta que nun pára de publicar i de mos suprender. Ye outora de "Ousadia" (Corpos Editora, 2011), habendo tamien publicado an co-outorie "Versos Luso-Brasileiros (Editora Sapere), Poetas da Confraria (Editora Sapere) e Palavras Nossas Vol. II (Esfera do Caos, 2012).
Trabalhou cumo porsora de l Ansino Básico ne l Porto i an Miranda de l Douro. Apuis fui Subdelgada de la Delgação Scolar de Miranda de l Douro.
Nun sendo falante de mirandés na sue ourige ou por formaçon, ten benido a fazer un grande sfuorço para daprender la lhéngua, neilha tenendo yá screbido muitos testos que publica na anternete, subretodo an http://frolesmirandesas.blogspot.com/, i na ‘Fuolha Mirandesa’ de l Jornal Nordeste. Ye ua grande amiga i dibulgadora de la lhéngua i cultura mirandesas, un bun eisemplo de muita giente que ten agora ua atitude de apoio, studo i dibulgaçon de la nuossa lhéngua que mui amportante ye pa l mirandés. Bien haias Teresa Almeida, assi muitos amigos tubisse la nuossa lhéngua, tamien mirandeses de alma i coraçon.
Apersentou se a ler, por sue einiciatiba i cun l sou apoio, de la sue nieta, Ana Teresa, de l sou genro, Antídio Fernandes, i de la filha Guida Subtil. Liu las stáncias 81 a 87 de l Canto III.

Porgrama de la Fiesta de "Nuossa Senhora de las Candeias" un eibento de l'Ass. C. i R. Nial de la Boubielha (Zenízio).

         Associaçon Cultural i Recreatiba Nial de la Boubielha

                    

          Stimados Associados

 

-Ne l die 3 de Febreiro bamos, mais ua beç comemorar la Fiesta de Nuossa Senhora de las Candeias i dar cuntinidade a la tradiçon de ls cumbíbios de todos ls Zenízienses, sous decendientes i amigos, cula realizaçon de las seguintes einiciatibas:

1.      Á las 12.00 horas:

          -Missa, celebrada pul cura António Morais, na Eigreija Paroquial de “Val Figueira”, an mimória i sentimento de to ls que yá mos deixórun.

2.      Á las 13.00 horas:

   -Almuorço/Cumbíbio ne l restourante “Quinta da Adega”, na Sobreda que queda arrimada (mais ou menos 700m) de l’Eigreija de Val Figueira (nua foia a pie de l’eigreija nuoba de la Sobreda)

Oufierta/Menu pa l almuorço:

1.      Antrada: Salgadicos, anchidos, patés, croquetes i pasteis de bacalhau

2.      Creme de lhegumes

3.      Bacalhau a lhagareiro

4.      Sobremesa: Bofé de doces i fruitas

5.      Bobidas: Bino, cerbeija, auga, sumos i café

Todo isto por :

  - Apenas 15 € (ouros) pa ls associados

  -              18 € (ouros) pa ls que nun son associados

  -              7,5 € (ouros) ninos i ninas de 5 als 10 anhos d’eidade

            (Nota: Manténen-se l précios de l redadeiro anho)

3.      Á las 15.00 horas: Assemblé eileitoral

Agradecemos que las anscriçones séian feitas, l mais tardar, até l die 23 de janeiro, para un de ls eilemientos de ls direçion:

 Carlos Vaqueiro: 21 253 93 23;  96 816 39 05 

Leonardo Antão: 21 814 29 45;  96 266 41 67      

Domingos Antão:  964274208

ou pul ameil:  leonardo.antao@sapo.pt

La perséncia de todos ye l que se deseia.

Corroios, 10 de janeiro de 2013-01-07

L Persidente de la Direcion:

Leonardo Fernandes Antão

 ------------------------------------------

(Em português)

  Associação Cultural e Recreativa  NIAL DE LA BOUBIELHA                   

  Estimados Associados: 
   No dia 3 de fevereiro vamos, mais uma vez, comemorar a Festa de Nossa Senhora das Candeias e dar continuidade à tradição dos convívios de todos os genisienses, seus descendentes e amigos, com a realização das seguintes iniciativas:  

1. Às 12,00 horas: Missa, celebrada pelo Padre António Morais, na Igreja Paroquial de Vale Figueira, em memória e sentimento de todos os que já nos deixaram;

2. Às 13,30 horas: Almoço/convívio no restaurante Quinta da Adega, na Sobreda, situado a cerca de 700 m da Igreja de Vale Figueira (numa cova em frente da Igreja nova da Sobreda).

Oferta para o almoço/Ementa: 

 1.      Entrada: Salgadinhos, enchidos, patés, croquetes, rissóis e pastéis de bacalhau; 
2.      Creme de legumes
3.      Bacalhau à Lagareiro; 
4.      Carne de Porco à alentejana e salada mista;
4.   Sobremesa: Bufé de doces e frutas;
5.   Bebidas: vinho, cerveja, águas, refrigerantes e café.

        Tudo isto (mantem-se o preço do ano passado) apenas por: 
15 € - Associados;  
18 € - Não associados. 
7,5 € - Crianças dos 5 aos 10 anos (grátis para menores de 5 anos) 

3.  Às 15,00 horas: Assembleia Eleitoral;

 Agradecemos que as inscrições sejam feitas, até o dia 23 de janeiro, para um dos membros da Direcção, pelo e-mail: leonardo.antao@sapo.pt ou por um dos telefones: 

 Carlos Vaqueiro: 21 253 93 23;  96 816 39 05 

Leonardo Antão: 21 814 29 45;  96 266 41 67      

Domingos Antão:  964274208

ou pelo E-mail  leonardo.antao@sapo.pt

Corroios, 10 de janeiro de 2013.      


 O Presidente da Direcção 
Leonardo Fernandes Antão

LEITURA DE LS LUSÍADAS AN MIRANDÉS

[Retrato de Alcides Meirinhos i Dinis Meirinhos]

— com Teresa Almeida e Guida Subtil.

LEITURA DE LS LUSÍADAS AN MIRANDÉS – TERESA MARGARIDA ALMEIDA VAZ RODRIGUES (Retrato 037)

Teresa Margarida Almeida Vaz Rodrigues [Guida Subtil] (1979), naciu an Miranda de l Douro, adonde studou. Fui apuis pa la Ounibersidade Fernando Pessoa, ne l Porto.
Ye directora técnica de la Santa Casa da Mezericórdia de Miranda de l Douro. Stá a morar nesta cidade.
Nun ye de fala mirandesa de ourige, mas ten benido a ganhar competéncias nessa lhéngua, i a apoiar l sou zambolbimiento. Bien haias Guida Subtil, puis percisamos de muitas mirandesas cumo tu.
Apersentou se a ler, acumpanhada de sue mai, Teresa Almeida, de sue sobrina, Ana Teresa, i de l cunhado, Antídio Fernandes. Liu las stáncias 88 a 94 de l Canto III.

LEITURA DE LS LUSÍADAS AN MIRANDÉS

[Retrato de Alcides Meirinhos i Dinis Meirinhos]

LEITURA DE LS LUSÍADAS AN MIRANDÉS – DINIS ARRIBAS PIRES (Retrato 034)

Dinis Arribas (1991), naciu an Sendin, cunceilho de Miranda de l Douro. Ende bibiu cun sous pais até acabar la scuola, purmeiro an Sendin i apuis an Miranda. Agora studa ne l ISMAI – Instituto Superior da Maia.
Dinis Arribas ye un grande gaiteiro mirandés, de todos bien coincido. Faç parte de la nuoba giraçon de gaiteiros mirandeses, muito tocando cun sou abó, Ângelo Arribas, i cun sue armana. Faç parte de l grupo LengaLenga Gaiteiros de Sendim Sendin, cun Henrique Gaiteiro, David Jantarada i Telmo Ramos.
Cumo muitos outros que s’apersentórun a ler Ls Lusíadas, Dinis Arribas ye un moço falante de la nuossa lhéngua de quien muito se spera para que eilha cuntine a bibir por muitos i muitos anhos.
Liu las stáncias 67 a 76 de l Canto III.

LEITURA DE LS LUSÍADAS AN MIRANDÉS

 Retrato de Alcides Meirinhos i Dinis Meirinhos]

LEITURA DE LS LUSÍADAS AN MIRANDÉS – GUILHERME FRAGOSO PEREIRA (Retrato 033)

Guilherme Fragoso Pereira (2004), naciu an Bergáncia, adonde bibe cun sous pais, Ana Fragoso i Vitor Pereira.
Quando s’apersentou a ler, habie feito uito anhos l die atrás (3 de agosto), fui por esso l mais nobico de ls lheitores de Ls Lusíadas. La sue einiciaçon ne l mirandés dou se solo por bias de ir a ler Ls Lusíadas, cun l'ajuda de sue mai, mirandesa i falante de mirandés. I ides a ber quando publicarmos l sonido de cada pessona a ler, Guilherme yá ten ua pernúncia mirandesa mui buona i speramos que este seia l ampeço para ganhar nuobas cumpeténcias na nuossa lhéngua, puis ye un rapaç baliente, mui spierto i mui bun aluno. Porsores nun le ban a faltar subretodo sue mai i sous abós de San Martino, adonde bai quaije todas la fins de sumana i ende passa ua buona parte de las férias. Assi eilhes lo quérgan ajudar.
Guilherme ye un de ls mirandeses que s’apersentou a ler yá nacido ne l seclo XXI [cun Afonso Cameirão i Francisco Antão Pereira, yá eiqui publicados], apuis de la lhéngua ser oufecializada i ansinada. Muita sprança tenemos an ninos cumo el, sien miedo i que zde pequeinhos le dan la mano a la nuossa lhéngua. Bota palantre Guilherme, puis cuntigo i outras i outros ninos cumo tu, la nuossa lhéngua há de chegar al menos al seclo XXII i... até adonde bós quejirdes puis eilha ye buossa por dreito própio.
Apersentou se a ler acumpanhado de sue mai, Ana Fragoso que le dá todo l apoio. Liu las stáncias 64 a 66 de l Canto III.

Stimados cunterráneos

Tal qual mos ten sido comunicado, quier atrabeç de l cuntato pessonal, quier atrabeç d’ameils i divulgado ne l site www.nialdelaboubielha.org  , uorgano oufecial de  l’Associaçon la fiesta de Nuossa Senhora de las Candeias ende stá marcada pa l deimingo die 3 de febreiro. 

Cumo siempre cun porgrama que bai zde l ajuntamiento ne l sagrado de l’Eigreija Paroquial de “Val Figueira” , adonde se celebrará ua missa cun lheituras an lhéngua mirandesa, un almuorço/cumbíbio na Quinta da Adega, que yá mos dou probas de ser un sítio assossegado i reserbado, eili bien acerca, astanho, cula particularidade de ser un anho d’eileiçones, hai botaçon pa ls nuobos uorganos, porque somos ua Associaçon ourganizada, cun statutos oufecializados,  hai que dar cumprimiento al que neilhes stá stabelecido.

L que you querie dezir, i la rezon percipal porque l sinto i quiero comunicar a todos bós, puis cuido que  ye mui berdadeiro i mui amportante ye que todo esto, toda esta atebidade de l’Associaçon, an pormober i mantener las tradiçones, cumo l magosto (die de Todos ls Santos), ls Jogos tradecionales (1º de maio), la partecipaçon conjunta nas einiciatibas cultutales cumo l salimiento de lhibros, las caminadas, almuorços ne l salon ne ls beranos cula Associaçon “Sol Nascente” (cula morada na Zenízio) i la fiesta de Nuossa Senhora de las Candeias, toda esta purparaçon i pormoçon ye lhebada até la fin pula direcion, nun se trata dua manha deilhes, nun se trata de las fazer para que alguien quede bien ne l retrato, nun se trata de trabalho para que ls outros béien, nun se trata dua meia dúzia de prouista queréren andar bien bistos. 

Nó, tratasse de pessonas que trabálhan cun gusto, quieren bien to l mundo, an special ls Zenízienses, sous antepassados, ls recendidos i todos aqueilhes que por bias familiares i d’amizade a eilhes s’ajntórun, son pessonas que trabálhan por amor a las tradiçones, als questumes i sáben que las bibéncias i ls cumbíbios son ls melhores modos d’anriquecer, perserbar i mantener biba la lhabareda dun pobo.

Fázen-lo cun gusto, porque gústan de trabalhar para bien de la quemunidade, para bien de las pessonas, porque sien eilhas nun hai nada, nien tradiçones nien questumes, porque nunca zistírun merécen de la nuossa parte esta atençion. L’associaçon Cultural i Recreatiba “Nial de la Boubielha” nun serie la mesma cousa se nun fazísse todas estas atebidades.

Bamos todos partecipar mais ua beç na fiesta de Nuossa Senhora de las Candeias, tamien conhecida pul “Dous de “Febreiro”.

Saludos Zenízienses para todos

 

LEITURA DE LS LUSÍADAS AN MIRANDÉS

 

 

[Retrato de Alcides Meirinhos i Dinis Meirinhos]

LEITURA DE LS LUSÍADAS AN MIRANDÉS – ANA FRAGOSO (Retrato 031)

Ana Fragoso (1972), naciu an San Martino, cunceilho de Miranda de l Douro. Studou an Miranda de Douro até al 10º i adepuis fui para Braga adonde fizo l 11º i l 12º anhos. Nesta mesma cidade sacou l Curso de Quemunicaçono Social.
Ampeçou a trabalhar ne l “Semanário Transmontano”, un jornal regional, i adepuis fui pa la “Rádio Brigantia”, ende quedando 13 anhos. Fui la correspondiente de l jornal diário “Público” al lhargo de 12 anos an Bergáncia. Tamien screbiu na “Voz do Nordeste” i criou la Rebista Más.
Hai quatro anhos deixou l jornalismo i criou ua ampresa de quemunicaçon i einobaçon, chamada “Conteúdo Chave”, a la par cun sou tiu Vítor Vitor Pereira.
Apersentou se a ler acumpanhada de l sou filho mais bielho, Guilherme Fragoso Perreira. Liu las stáncias 61 a 63 de l Canto III.

LEITURA DE LS LUSÍADAS AN MIRANDÉS

 

LEITURA DE LS LUSÍADAS AN MIRANDÉS – FAUSTINO ANTÃO (Retrato 031)

Faustino Antão liu las stáncias 51 a 60 de l Canto III, na culidade de membro de la Comisson de Leitura de Ls Lusíadas, para substituir ua pessona que faltou.

[Para ber l retrato i biografie de Faustino Antão ir al retrato 013.]

LEITURA DE LS LUSÍADAS AN MIRANDÉS

LEITURA DE LS LUSÍADAS AN MIRANDÉS – LUÍS VENTURA (Retrato 030)

Luís [Moreira] Ventura (1977), apersenta se cumo sendo de Aldé Nuoba, Dues Eigreijas i Sendin, todas tierras de l cunceilho de Miranda de l Douro. Formou se an angenharie de l ambiente pula Ounibersidade Católica de l Porto, cun pós-graduaçon na angenharie acústica pul Anstituto Superior Técnico, sendo un specialista nesta ária, subretodo cumo un grande técnico de uorganos [afinaçon, recuperaçon, recustruçon]. Son tamien coincidas las sues cumpeténcias cumo músico, eicelente eisecutante. Stá a morar ne l Porto.
Liu las stáncias 47 a 50 de l Canto III.

LEITURA DE LS LUSÍADAS AN MIRANDÉS

 

LEITURA DE LS LUSÍADAS AN MIRANDÉS – ANTÓNIO CANGUEIRO (Retrato 029)

Liu las stáncias 41 a 46 de l Canto III.
Liu an sustituiçon de pessona que faltou, cumo membro de la Comisson de Lheitura.

[Ber la biografie i retrato de Antonio Cangueiro ne l testo 007]

LEITURA DE LS LUSÍADAS AN MIRANDÉS

LEITURA DE LS LUSÍADAS AN MIRANDÉS – ANA AFONSO (Retrato 028)

Ana Afonso (1982) cunsidra se nacida na Speciosa / Samartino de Angueira, tierras tamien de sue mai i de sou pai, dambas a dues de l cunceilho de Miranda de l Douro. Sabemos que andubo por Fráncia, cun sous pais, i que se lhicenciou na UTAD – Ounibersidade de Trás ls Montes i Alto Douro, an pertués-francés. Dende para acá ten dado scuola i bibe na region de l Porto.
Ana Afonso tornou se subretodo coincida pula traduçon de l grande clássico “Le Petit Prince”, de Antoine de Saint Exupèry, para mirandés “L Prencipico”, eiditado pula ASA (2011).
Mas l que muita giente nun sabe ye que Ana Afonso ten ua boç mui guapa i ua pernúncia mirandesa mui buona, a puntos de haber sido scolhida pula Microsoft cumo “boç de l mirandés”, pa l sou porgrama de síntese de la fala mirandesa, de que inda speramos ls resultados.
Liu las stáncias 31 a 40 de l Canto III.

LEITURA DE LS LUSÍADAS AN MIRANDÉS

 

LEITURA DE LS LUSÍADAS AN MIRANDÉS – BALBINA MENDES (Retrato 027)

Balbina Mendes (1955) naciu an Malhadas, cunceilho de Miranda de l Douro, adonde daprendiu la lhéngua mirandesa, que ye la sue purmeira lhéngua. Dende saliu para studar, purmeiro an Miranda de l Douro i apuis an Bergáncia, formando se an porsora de l purmeiro ciclo de l ansino básico. Bibe an Bila Nuoba de Gaia.
Ye subretodo coincida la sue atebidade cumo pintora, habendo sido muitas las sues sposiçones zde 1989, correndo Pertual de riba abaixo i mesmo ne l strangeiro. La sue pintura stá mui agarrada a la cultura i a la lhéngua mirandesas, i a la cultura stramuntana an giral. Muitas de las sues pinturas son apersentadas cun testos an mirandés, l mesmo se passando cun ls lhibros que ten eiditado cumo catálogos de las sues sposiçones. Ye ua grande dibulgadora de la lhéngua i de la cultura mirandesas.
Liu las stáncias 21 a 30 de l Canto III.

LEITURA DE LS LUSÍADAS AN MIRANDÉS

 

LEITURA DE LS LUSÍADAS AN MIRANDÉS – ALCIDES MEIRINHOS (Retrato 026)

Liu las stáncias 11 a 20 de l Canto III.
Liu na sustituiçon de pessona que faltou, cumo membro de la Comisson Ourganizadora.

[Ber la biografia de Alcides Meirinhos, yá publicado ]

LEITURA DE LS LUSÍADAS AN MIRANDÉS

 

 

LEITURA DE LS LUSÍADAS AN MIRANDÉS – ALTINO AUGUSTO MATINS (Retrato - l retratista nun sacou retrato)

Altino Martins (1952) naciu an Paradela, cunceilho de Miranda de l Douro. Stá casado an Sendin, adonde bibe i trabalha, cumo funcionário publico. Creciu a falar mirandés, ne l sou causo l dialecto mirandés de la raia que se fala an Paradela, i ten tubido un amportante trabalho cultural, subretodo de regrante de quelóquios, de que çtaco “A Vida de Roberto do Diabo”, repersentado an Sendin na 2002. Fui bereador de la Cámara Munecipal de Miranda de l Douro. Pertence al Grupo de Cantares de Sendin, L’ALMA.
Liu las stáncias 1 a 10 de l Canto III.