Bai a star a público de 10 d'Abril anté 10 de Maio na Casa de la Cultura Mirandesa (Miranda de l Douro) ua sposiçon de máscaras de l "Mestre" Amável Antão.
- Çpuis de muitas sposiçones an scuolas, museus, spácios culturales por bários lhados i durante muitos anhos, quédan agora de 10 d'Abril anté l 10 de Maio las obras spuostas na cidade de Miranda de l Douro, eili bien acerquita de la tierra, Zenízio, que biu nacer este "Mestre i Sábio".
- Las máscaras de Amável Antão, berdadeiras obras d'arte, traspórtan quienquiera pa l mundo eimaginario i mágico, pieças salidas de l más singelo i puro que la naturaleza dá, que sues manos i grácias al sou saber, angeinho, arte bíran património dua cultura sien pareilho.
- Más ua beç, cumo siempre l fiç, quiero dar ls mius parabienes a Amável por lhebar por alantre esta sposiçon, assi cumo als repunsables de la Casa de la Cultura Mirandesa por acolher i acarinar la cultura de ls sous cunterráneos.
-Ye ua sposiçon a nun perder, l sou outor yá de hai muito dou probas de muita culidade.
Oubrigado Amável, l camino ye siempre palantre.
Un arrochado abraço.
1 comentário:
A julgar pelos cartazes exibidos, as máscaras de Amável Antão parecem artísticas com um toque artístico criativo.
Saudações do país da Indonésia.
Enviar um comentário