1961… Fui l anho an que naci. Por esso stou siempre atenta a
todo l que se diç a respeito de l que se passou nesse anho.
Hoije por eisemplo quis a cierta altura saber mais que l que
sei (na realidade sei pouco) subre
aqueilho que muitos até cháman l « Campo de cuncentraçon de l Tarrafal »,
an Cabo Berde. I a cierta altura, nun antrou nas oureilhas dua xorda
aqueilho que oubi dezir nun bídeo que cada qual puode ber aqui a respeito dua reportaige que
passou por altura de l 25 de Abril de 2011, na RTP1, subre l Tarrafal percisamiente: a perpósito dun cierto trasmuntano que ten l sou nome, faç agora uns anhos, mesmo
a l’antrada de l centro cultural de la cidade de Bergáncia :
« An 1961 (diç nesse bídeo la realizadora de la reportaige ), ye reabierto (l Tarrafal) por orde de l
menistro de l Ultramar, anton Adriano Moreira… »
Ora todo esto me lhieba a pensar outra beç an Nélson Mandela
mas tamien afinal an Agostinho Neto, Amílcar Cabral, António Jacinto, Marcelino
dos Santos, José Luandino Vieira, para solo citar estas personalidades que
lutórun contra l racismo que la ditadura de Salazar tamien amponie nas colónias pertuesas de África…
Por esso só mais ua cousa : You quando entro nun centro
cultural quiero tener la certeza que la
justiça ye ua palabra que ten berdadeiramiente sentido i nunca deixa de ser un balor
fundamental !
1 comentário:
A justiça...
Por onde anda ela?
(Eu sei, se cada um fizer a sua parte, as coisas acabam por acontecer. Mas...)
Beijo :)
Enviar um comentário