15/10/09

Aqueilha rapaza

Aqueilha rapaza de piel morena
Qu’amarra ls uolhos al passar por mi
Queda tan guapa quando se ri
Qu’anté parece ua flor de çucena.

Fai dues poçaquitas na cara chena
Cousa mais guapa inda you nun bi.
Daba la bida por tené-la eiqui,
Porque sin eilha ye bibir an pena.

Todas las nuites you sonho cun eilha
Ambento carinos an debaneio
Rapaza morena, sós ua streilha

Quando mos sbarramos queda burmeilha
I you nun sei, porque a mi nun me beio
Só sei que dambos miramos de sgueilha.



8 comentários:

"Scacição" disse...

Félç,esso ye amor:)Tan singelo!

Bien haia!

franciscobelharino disse...

Buonas tardes Felç,

Guapos bersos, gostei muito i parabienes.

Un abraço,

Francisco domingues

franciscobelharino disse...

Buonas tardes Felç,

Guapos bersos, gostei muito i parabienes.

Un abraço,

Francisco domingues

ACangueiro disse...

Gusta-me la morena i la çucena i tamien las puçaquitas, solo falta ua cousa, nun mirar de sgueilha.

Un abraço,

ACangueiro

Félç disse...

Acangueiro, nun qureies mais nada!!! La morena que nun ye de la quelor de la çucena imbora la luminosidade deilha queda inda mais branca, ye solamemiente um sonho, um sonho de poeta.

Um poeta ye mesmo assi
I iou presumo de sê-lo
Planta flores num jardim
que num ye del, mas anfim!!!
I trata deilhas cun zelo.

Scacição, inda nun mos conhecemos, penso que sós sandinesa, a ber se te pago um café unm die destes,

Franciscobelharino, inda bien que que gosteste.
um abraço arrochado
Félç

AF disse...

Guapo soneto d'amor.
Nun páres, poeta de Fuonte Aldé i de l Praino.

Un abraço,
A.

"Scacição" disse...

Ye esso mesmo Félç,sou Sendinesa.Pus antão stá bien,un die destes tomamos un café ou bebemos ua pinga, que an Sendin y Fuonte Aldê hai-la buona:)

Adelaide Monteiro disse...

mui guapo, Felç.
Puodes crer que se cuntinuas a screbir assí, la morena ampeça a mirar adreitos a ti.
Bá poeta, bota mais poemas.
Beisico

Adelaide