Cumo assi!....
Diç l pobo que hai trés cousas que un home stá siempre a tiempo de fazer:
Ua, mercar caro i bender barato,
Outra, casar probe,
La redadeira, pagar i muorrer-se.
You acrecentarie, i nun tengo l perpósito de sustituir la sabedorie popular porque essa naide debe tener la perjunçon de l fazer porque ye sábia, que l mirandés stá siempre an cundiçones i a tiempo de fazer todo esto na lhéngua que se fala an sue tierra.
You tengo alguns eisemplos, quando ando por fuora bárias son las bezes que cumberso cun pessonas dalhá i las antimo a falar mirandés, dízen que yá nun l sáben, que se squecírun yá quantá, que stan arredados de sue ourige, nun ban a sue tierra , mas cun algua teima, debrebe stan a falar bien i cua gráçia que mete ambeija.
Anton, las pessonas nun la squecírun, porque ua cousa daprendida de pequeinho, tan rica an spressones, benida de l bríçio, cula brancula i purficado cumo l lheite mamado, nunca se squece.
Hai si ua falta de treino, pouca motibaçon pa l fazer, falta cuncéncia coletiba. Ye berdade que todo aqueilho an que nun se mexe, apuis queda tolhido cula fala assi ye tamien, mas bonda zatar a falar i ende stan eilhes a dezir a comentar i a botar acumparanças i modos, puis nós dezimos assi i assi…. I fázen-lo chenos de sentimiento, d’amor por eilha que ls sunrisos nun páran, son teçtemunhos cumo son las angúrrias dua abó. Angúrrias criadas pul tiempo, mas bien persentes, cumo ye l’eidentitária de sermos mirandeses.
Deziran muitos, cumo assi? Ye berdade, spurmentai a puxar pur eilha i até quedais cua buona surpresa, stá todo andentro de bós.
Stamos siempre a tiempo de falar mirandés, assi nós l quérgamos.
Diç l pobo que hai trés cousas que un home stá siempre a tiempo de fazer:
Ua, mercar caro i bender barato,
Outra, casar probe,
La redadeira, pagar i muorrer-se.
You acrecentarie, i nun tengo l perpósito de sustituir la sabedorie popular porque essa naide debe tener la perjunçon de l fazer porque ye sábia, que l mirandés stá siempre an cundiçones i a tiempo de fazer todo esto na lhéngua que se fala an sue tierra.
Que mal hai mercar caro i bender barato, un casá-se, pagar i nun tener priessa de se muorrer an mirandés? Nanhun. I las rezones de l fazer, son porque l sabe i puode i naide l lhieba preso.
You tengo alguns eisemplos, quando ando por fuora bárias son las bezes que cumberso cun pessonas dalhá i las antimo a falar mirandés, dízen que yá nun l sáben, que se squecírun yá quantá, que stan arredados de sue ourige, nun ban a sue tierra , mas cun algua teima, debrebe stan a falar bien i cua gráçia que mete ambeija.
Anton, las pessonas nun la squecírun, porque ua cousa daprendida de pequeinho, tan rica an spressones, benida de l bríçio, cula brancula i purficado cumo l lheite mamado, nunca se squece.
Hai si ua falta de treino, pouca motibaçon pa l fazer, falta cuncéncia coletiba. Ye berdade que todo aqueilho an que nun se mexe, apuis queda tolhido cula fala assi ye tamien, mas bonda zatar a falar i ende stan eilhes a dezir a comentar i a botar acumparanças i modos, puis nós dezimos assi i assi…. I fázen-lo chenos de sentimiento, d’amor por eilha que ls sunrisos nun páran, son teçtemunhos cumo son las angúrrias dua abó. Angúrrias criadas pul tiempo, mas bien persentes, cumo ye l’eidentitária de sermos mirandeses.
Deziran muitos, cumo assi? Ye berdade, spurmentai a puxar pur eilha i até quedais cua buona surpresa, stá todo andentro de bós.
Stamos siempre a tiempo de falar mirandés, assi nós l quérgamos.
1 comentário:
Amigo Faustino:
Acho que la einicitaiba yé buona.
Tu sabes bien que siempre achei que era amportante falar mirandés. Por esso quando partecipei na elaboraçon de ls statutos de la nuossa associaçon Nial de la Boubielha, hai ya cierca de 11 anhos, metimos cumo un de ls oujectibos, “mantener biba la lhéngua mirandesa”.
Yé para nós un deber i ua honra cuntrebuirmos para promober i dibulgar la lhéngua mirandesa, que hardemos de ls nuossos antepassados de hai mais de 900 anhos atrás.
Acho amportante pa la lhéngua, siempre que mos ajuntarmos, falarmos mirandés, cumo cumplemento de la dimenson eissencial de la scrita, que tu i muitos outros scritores teneis cuntribuido muito pa l’aperfeiçoar i zambolber, cun ls anteressantes testos no Froles i lhibros, cumo ls publicados neste berano, que son buonas semientes de zambolbimiento de la lhéngua i de la cultura mirandesas.
Cun esta tue sugeston, Faustino, stás a dar un buono cuntribuito para aumantar l coincimiento de la lhéngua i para mobelizar ls mirandeses para la defesa de la sue cultura.
Tenes todo l mieu apoio para promober la outelizaçon de l mirandés, falado i screbido, an todos ls nuossos eibentos i ancuontros.
Un abraço amigo
Leonardo
Enviar um comentário