Esta nuite tube un suonho
cumo ye buono poder sonhar
arrolhada nas alas de l biento,
sentindo la brisa de l mar.
Chubi i abaixei muntanhas,
atrabessei prainadas, balhes i campos frolidos,
corri, rebolei na yerba berdejante,
ancuntrei bielhos amigos
de ls tiempos de studante.
Ah! Cumo ye buono ser lhibre,
correr, poder bolar,
nun tener hora de partida
i muito menos de chegar.
Quiero ser lhibre cumo ls páixaros
que ban pra qualquiera lhugar
i se l suonho comanda la bida,
nun quiero parar de sonhar.
2 comentários:
Oulá Isilda
Parabienes pur tan guapos bersos.
Gustei muito, li-los mais que ua beç.
Béngan mais.
Beisicos
Faustino
Oulá amigo Faustino!
Oubrigada por tenerdes gustado de ls mius bersos mas olhai que you tengo pouco jeito pa la scrita, por bezes ye que stou mais inspirada.
Beisicos,
Isilda
Enviar um comentário