19/04/18

De rima i zrima


De quadras suoltas me fiç
Por antre ouleios i bramidos
Se tenie çapatos nuobos
Nun rimában ls bestidos

Áh! mas dou fé de tener tebido
Cun andorinas bordadas
Era quelor rosa biba l bestido
Cun saia cun ruoda rufado

Cuidaba-me cun el princesa
Rodaba cumo pion
Mas quando la saia rodaba
Spreitaba la cumbinaçon

La cumbinaçon sfilarpada
Prendie las piernas i l rodar
Pegaba naqueilhas zrimas
Para l sfranjado le cortar

Éran tan suoltas las quadras
Mui apertados ls cintos
An muito nino éran garrotes
Nun salga deiqui se bos minto

 Éran tiempos de poemas
Sien lhibros adonde morar
Éran ninicos feitos homes
Para cun trabalhos jogar

Un die strenei un bestido
Nua fiesta de mei´ Agosto
L panho era tan albico
De fresco piqué d´algodon

Nun rimaba na sue albura
Cun la ruga de polagueira
Tubo que quedar a la berdura
Al recio la nuite anteira

Ua mai inda mais sfamiada
Lhebou esse berso de stima
Fazie-le falta, mais que falta
Nun s´amportou cun la rima

Achei de menos l berso
Cun lhaços de seda fina
Fui un antuolho  trabiesso
Doutra mais percisada nina

Mesmo nun tenendo retratos
Adonde ls bersos ir a ber
Tengo-ls todos bien grabados
I nun poema puoden caber

La pormeira beç que al fundo
Tubo renda ua cumbinaçon
Alhebantaba l bestido de feiçon
Para que la bisse todo mundo

E assi cun pouca cousa
Mos sentiemos lhougo fidalgas
Nunca la saia nuoba percisou
De rimar cun nuoba einauga


3 comentários:

silvioafonso disse...

Que delícia de versos,
poeta.
Adorei.

Beijos.

silvioafonso


.

silvioafonso disse...

Custei entender que mãe não é
só a mulher que nos põe no mundo,
mas também a que nos ensina a com-
preendê-lo. Pena que a gente, depois
de achar que aprendeu tudo, vooa
para longe do ninho e esquece de
quem nos deu, de graça, o brevê
de piloto. Mãe deve ser isso, ou
seria aquela que chora quando os
olhos da gente umedecem e sofre
quando a dor pensa doer na gente e
sorri com as bobagens que a gente
faz? Pois seja ela quem você achar
que ela é, mas, por favor, não se
esqueça de agradecê-la por tudo que
ela fez por você, e de pedir perdão
pelo que você deixou de fazer por
vocês.

Feliz 8 de maio. Feliz dia das
mães.

silvioafonso


.

Adelaide Monteiro disse...

Obrigada, Silvio Afonso.
Um abraço