07/09/17

Rio de Infinitos/ Riu d'Anfenitos


Lançamento do Livro “ Rio de Infinitos/Riu D’Anfinitos”
Sáb 09/09 - 14:30 (na sede da Junta de Freguesia). Comissão de Festas da Nossa Senhora das Graças - LAGOAÇA


Preça d´anfenitos

Ye la baranda de grades de la quelor de l tiempo
que me lhieba an brebe anleio i arrecelo d'entardecer.
Ye na baranda suolta ne l çcampado de l mirar
que m´astribo i m´antronco n´arble adonde me fiç.

Ye l toque na parreira de piel retesada
i resgada que me diç de l manantial que sentie
i de las scaleiras que chubie i abaixaba,
querendo antender-me ne l eimaranhado de la bida.

Era an preça d'anfenitos que la baranda se spraiaba.
I you, debruçada, a sentir-me nada, nun cabie an mi.
I you, nun suolo d'anquietudes a agigantar-me
pa las dúbedas que nunca resolbi.

Arrimada a ti,
parecie que l'aldé al loinge era eigual a la mie,
anque la raia mos falasse d'outra lhéngua
i d'outro paíç. Na mie baranda percebie la raia
i çcunfiaba que nien la binha, nien l'aldé q'abistaba,
tapában l rebolhiço de l riu
que bien fondo scababa l fragaredo.
Nien you nien l riu coinciemos lhemites
i indas que l aperto i l'anquietude,
saltábamos i corríemos
na priessa dun tiempo a çcubrir.

Teresa Almeida Subtil

1 comentário:

faustino.antao disse...


Oulá

Deseios de que mais este salimiento de tan guapa obra (que you yá li) seia un eisito.

Ye siempre cun muita sastisfaçon i alegrie que registro estes ambentos culturales. Puis par'alhá de la rebelaçon de sous outores son tamien marcos i teçtemunhos pa l angrandecimiento de la cultura.

Deseaba muito poder star, mas la çtáncia que m'aparta ye muita i las acupaçones familiares alguas, dende cun muita pena mie nun l poder fazer.

Bien háiades.