Un die destes un amigo
miu mercou ua arca giladeira nuoba, la que tenie staba buona mas percisaba dua maior. Cumo sabe l que
la bida custa resolbiu poner essa a la puorta para ber s’alguien inda le daba
uso, serbentie, cua anformaçon (abiso):
” Stá cumo nuoba, fai gelo i ye dada. Se quejirdes i percisais podeis lhebar”.
” Stá cumo nuoba, fai gelo i ye dada. Se quejirdes i percisais podeis lhebar”.
L’arca giladeira ende stubo trés dies i trés nuites a la puorta, sien naide
s’antolhar, nien neilha arreparar.
El chegou a la cuncluson de que las pessonas, nun acradítan i çcunfían quando
la smola ye buona. Era cousa buona
demais para ser berdade.
Demudou l'anformaçon (abiso):
” Stá cumo nuoba, fai gelo i son só 50€”.
” Stá cumo nuoba, fai gelo i son só 50€”.
A la nuite
desse die fui roubada.
Sem comentários:
Enviar um comentário