10/11/14

Nun te fintes an fiestas


Quien defende l capitalismo festejou l anibersairo de l sbarrulho de l paredon de Berlin cumo simble de la fin de l socialismo i de l quemunismo.

A esse tiempo, pormetírun un mundo melhor.
 Mas só ne ls radadeiros quatro anhos, ls mil i seis cientos mais ricos de l mundo oumentórun la sue fertuna an 124%.
Ls 85 maiores ricalhones ténen nas sues manos ua riqueza eigual a la metade de la populaçon de l planeta.

L galaton que aparta ls ricos de ls probes alharga-se die a die a custa de tirar dreitos de quien trabalha i na reforma, a custa de milhones i milhones de ninos, ninas, mulhieres, homes, bielho i bielhas cun fame por esse mundo afuora.

Todo cula mela deilhes.

 Antoce, fui ua mintira l mundo piorou. I muito!

 I bai cuntinar a piorar.

Ye la natureza de l capitalismo sien cara que stá n’andada monopolista i amperialista que se bira cada beç mais garunhas.

Solo mos queda, correr cun el.


3 comentários:

Unknown disse...
Este comentário foi removido pelo autor.
Unknown disse...
Este comentário foi removido pelo autor.
Ana disse...

Mais simpresmente, podemos dezir que l l sbarrulho de l paredon an Berlin permitiu a membros dua mesma familha por bezes poderen tornar a juntar-se lhibremente sien que houbisse i haba obstáculos depuis de décadas durante las quales esso habie deixado de ser possible por meras rezones políticas ou stóricas...

Esse paredon zaparciu (aqui na Ouropa) i inda bien ( !! ) mas l problema ye que outros aparecírun i ye l facto de outros haberen aparcido que dá que pensar:

antre Israel i la Palestina por eisemplo,

an Ceuta para ampedir que ántren nesta nuossa Ouropa rica i cunsumista pobres eimigrantes oureginairos de muitos países africanos (a ampeçar por Marrocos) adonde inda nun hai democracie i justícia social...

I para se portegeren daqueilhes que son pobres i biben na miséria, mesmo ne l seclo an que stamos, quantos i quantos paredones inda nun hai por esse mundo fuora para salbaguardar l bien star i ls prebilégios de ls ricos ?

Paredones para porteger cidades ou bairros anteiros (i tamien separar!) cumo acuntece ne ls Stados Ounidos, ne l Brasil... i an Pertual tambien nun hai la sombra dua dúbeda. Paredones bien aparentes ao lhado de outros que l son menos mas paredones de qualquiera maneira inda hoije anfeliçmiente bien presentes.

Claro que essa questão dá inda muito que pensar !