02/07/14

ADERIR... i tomar ciertas decisones !



Cumo antender que ua antidade cumo  l'Assemblé Municipal de Mogadouro nun querga aderir a ua associaçon cumo l'ALCM que ten cumo oubjetibo dar a cunhecer, balorizar, pormober, defender, proteger i salbaguardar tamien cuntra l squecimiento ua lhéngua que faç parte de l património cultural que muitos, inda hoije, queremos cuntinuar a preserbar i transmitir a las giraçones futuras ?

Pergunto porque li hoije esta ambora de l'agéncia Lusa: Ber aqui

Se assi ye...  you por eisemplo que yá aderi (Nien me passou pula cabeça nun aderir!) i merquei nessa "tierra trasmuntana de ourige árabe a quaije 1000 metros de altitude" (cumo dezie Trindade Coneilho) até bastantes cousas que trouxe depuis pa la França (queijos, fogaça, doces, etc.), quando passei por alhá ne l ampeço de l més de Maio i porque habie ua feira de Sabores (Na de Miranda anfeliçmiente nun pude star este anho i tengo pena !)... mas se assi ye (dezie you), pensarei, a partir de agora, dues bezes an beç dua !

Ye que queijos, fogaça, doces, etc., tamien ls hai afinal de cuontas an todas las aldés de l cunceilho de Miranda. Puis ye: de l cunceilho de Miranda ! Bonda un querer !!

4 comentários:

Tiégui disse...

Ye mui simples. Sin querermus, la merda la pulitica antrou onde nun fui chamada.
Nun ye solu an Mugadouru, Ana. Anté an llugaricus que you sei ye eigualicu !

Pra ser francu, gustaba de saber quantas pessonas que stan n'ALM son dal PSD. You achu que nun hai y ende sta la foda.

Nun digu mas, ya antendistes.

Ana disse...

Biba Tiegui,

Acuntece que Sendin queda quaije a meia çtáncia antre Miranda i Mogadouro (mas mais acerca de Miranda que de Mogadouro assi i todo )... I l'ALM « naciu » se bien percebi an Sendin. Mais ua rezon anton para que, andependentemiente de las opçones políticas de cada un, Mogadouro saba tamien aprossimar-se... i antender l antresse que puode haber an criar ua fuorte ounidade an torno desta lhéngua que tamien ye falada nesse cunceilho.

Tiégui disse...

Mas la pulitica ya antrou. Agora ya nun se puôde fazer nada. Cu'las ultimas eileiçones quejirun fazer-se a la grande. Fazirun reuniones y tal, listas cun metade llugar, y issu pra mi derramou lus llugares todus.
Dantes habie un puliticu ou dous, agora son quaisque 20 pur llugar. Y pensan que saben... mas saben quei ?

L que véyu ye que an Cicuiru pur eisemplu, hai gente dal PSD que diç que tal ou tal cousa an mirandés sta mal screbida. An dalguas cousas cuncordu, mas an doutras no.

You, l que véyu, yê que'l PSD y'l PS ténen maneiras defrentes de ver la lliêngua. Pra mi, al PSD sta mesmu contra l'usu dal mirandés. Pur issu nun sperei nada d'eilles !

Assi stamus fudidus, nunca faremus nada cun vilas que stan dal lladu PSD pu'l solu mutivu que n'ALM parécen star todus dal lladu PS.

Tiégui disse...

Ah... y outra cousa... purqui'que fui'l PS que fizu la purpuôsta ???

Purqui'que nun fui gente nurmal a fazer issu ? No, teniên qu'ir alla lus puliticus a cravar la pata...

buuuuuuuuuuuuuuuuuuffffffff