23/03/11

zatino


naide antende quien goberna,
dízen que l mundo anda boubo:
todos ténen sues certezas,
zatino you cun quanto oubo.

Fonso Roixo


4 comentários:

José Esteves disse...

Boubo quien mos goberna si anda
i mos pon boubos a nós
que cun essas sues boubeiras
mos dá cabo de la cabeça a nós.

Abraços
José António Esteves

leonardo antao disse...

Buonas nuites Amadeu:

You tamien nun antendo quien goberna.

Quando li l radadeiro Decumiento culs cumpromissos assumidos por Sócrates an Bruxelas, a la rebelie de las anstituiçones, anterroguei-me:

- Será esto democracie??

- Nun será ua falta de respeito, subretodo puls que tubírun ua bida de çcuntos i beian agora, un político prepotente i de dubidosa ética, atentar contra ls sous dreitos i poupanças?

Parabienes pula tua guapa quadra, assi cumo por esta de Zé Antonho, cun muita eimaginaçon, criatebidade...i crítica.

Un abraço,
Leonardo

Fir disse...

Anton nun sabeis quien mos goberna? Son ls banqueiros i ls outros grupos eiquenómicos.

leonardo antao disse...

Amigo Fir,
Squeciste-te de la senhora Merkel i de la "rating" que smagan l nuosso querido Pertual.
Un abraço,
Leonardo