11/03/11
La Lhabandeira
La nuoba papo arruçado
Gurbata negra las bielhas
Por bezes atrás l arado
Letecidade nas canielhas.
Tarabielho l paixarico
Salta, poula, sbolácia
Siempre más un cachico
Nun baile que mete grácia.
A menear-se la purmeira
Guicha, lista i espabilada
Naide bola na praineira
Ua moda tan bien beilada.
No suolo bai spenhicando
L sustento la beiladeira
Rabo dreito balanciando
Siempre a bulhir lhabandeira.
...
Alcides Meirinhos
Subscrever:
Enviar feedback (Atom)
2 comentários:
Guapa çcriçon! Eiletrica i spabilada. Gostei muito.
Parabienes Boieiro, um retrato bien retratado.
Abraço
Félç
Enviar um comentário