10/01/11

Cuncurso de cuontas de Natal 2010



Acabou a meia nuite l tiempo de l cuncurso Cuontas de Natal 2010. Até essa hora habien sido apersentadas a cuncurso 20 cuontas puls seguintes 12 outores:


Adelaide Monteiro - 2
Alcides Meirinhos - 1
Ana Maria Fernandes - 1
Antonho Carrasqueiras - 2
António Cangueiro - 2
Faustino Antão - 2
José Almendra - 1
José António Esteves - 3
Leonardo Antão - 3
Manuel Carvalho - 1
Tortulhas - 1
Válter Deusdado - 1

Ls númaros parécen andicar cun clareza que l cuncurso fui un éisito, de modo que todos stan de parabienes.
Agora, por todo l més de janeiro, bai a ser anunciado l júri [nun fui antes para nun ampedir qualquiera pessona de cuncorrer] i apuis el decidirá, cunsante las regras que fúrun stablecidas al ampeço. De todo seran eiqui dadas amboras.

Amadeu Ferreira





3 comentários:

faustino.antao disse...

Buonos dies caro amigo Amadeu

-Tamien stou cierto que fui un éisito l cuncurso, nun solo pula partecipaçon cumo até pula culidades de las cuontas puostas a público.
- You benie, cumo muita giente acumpanhando las publicaçones die a die, i para alhá de l balor literairo tamien ancuntrei an todas muito anredo (riqueza personal), subretodo ganhou l eisercício de scrita, tan necáiro para se mantener un filon de cuontas cumo ye un blogue.
-Parabienes pula einiciatiba, parabienes als cuncurrentes, ganhou la scrita, la cultura, ganhamos todos ls que eiqui beniemos i gustamos de ler an mirandés.

Un abraço
Faustino

Almendra disse...

Fui más que un eisito, ye un marco na cultura mirandesa, daqueilhes que quédan para siempre. Parabienes a quien se lhembrou i a quien partecipou. I als que tubírun la pacéncia de ler ls cuontos, un abraço bien arrochado de todos ls que se abinturórun nestas cousas de la scrita de l mirandés.

Tiu Almendra

leonardo antao disse...

Buonas nuites amigo Amadeu:

Parabienes por esta eniciatiba que mui cuntribuiu pa l'anriquecimiento de la literatura mirandesa, an special la relacionada cula quadra natalícia.

Cun esta eniciatiba senti-me ancentibado a screbir subre l Natal, porque ye un de ls períodos de a mie mocidade de que guardo maiores i melhores recordaçones de Zenízio, por bárias rezones, ua deilhas l fato de tener participado ne ls casamientos por ambude, nas giladas nuites de cunsuada, a seguir a a missa de l Galho.

Aprobeito para t'agradeçer la correçon de ls einúmaros erros que tenien ls mius testos, l que me ajudou a melhorar la mie formaçon na scrita de l mirandés.

La mie sastifaçon stá ne l participar i nunca ne l ganhar, pus sei que ls mius testos ténen siempre muitas amperfeiçones i cousas mal scritas. Mas l'amportante, para mi, ye screbirmos, para que l mirandés se torne ua lhéngua cada beç mais rica i melhor.

Fago mies las palabras finales de Almendra, "als que tubírun la pacéncia de lher ls cuontos, un abraço bien arrochado… " de.
Leonardo.