LEITURA DE LS LUSÍADAS AN MIRANDÉS – HENRIQUE FERNANDES (Retrato 072)
Henrique Fernandes (1970) naciu an Sendin, cunceilho de Miranda de l
Douro, i bibe an Bila Rial, adonde ye cergento ne l eisército.
Ye
de todos bien coincido cumo un de ls mais amportantes gaiteiros
mirandeses, ardeiro dua giraçon de grandes gaiteiros, que el ten muita
proua na cuntinar. L amor pula música tardecional mirandesa i la gana de siempre melhorar ténen lo lhebado a studar música ne l cunserbário de la cidade adonde bibe.
Fui l fundador i ye l’alma de l grupo Lenga Lenga – Gaiteiros de
Sendin, que ten yá editados bários trabalhos i muito ten cuntrebuído pa
la dibulgaçon de la música mirandesa, ne l paiç i ne l strangeiro,
tenendo-se tamien dedicado al ansino de la gaita de foles. Nun se
poupando a sfuorços tamien para acumpanhar grupos de dançadores, el ten
se benido a custituir cumo un eisemplo pa la mocidade mirandesa.
Ye
un de ls grandes custrutores de palhetas de gaita de foles mirandesa,
tenendo refinado la sue arte i stando agora an cundiçones de apersentar
la sue defícele i rala arte atrabeç la benda de palhetas i stando an
cundiçones de subre eilhas screbir.
Por todo esto se puode dezir que
Henrique Fernandes ye un de ls pilares de la cultura mirandesa, de
quien muito tenemos inda a sperar.
Liu las stáncias 1 a 14 de l Canto VI.
Sem comentários:
Enviar um comentário