[Retrato de Alcides Meirinhos i Dinis Meirinhos]
LEITURA DE LS LUSÍADAS AN MIRANDÉS – ANA MARIA FERNANDES (Retrato 077)
Ana Maria Fernandes (1961) naciu an Sendin, tierra de sous pais. Até
als 5 anhos, l mirandés fui la lhéngua que mais oubiu falar, fura an sue
casa fura an casa de sous abós, sendo sue abó de Bilachana. Apuis fui
pa la França, adonde inda bibe, cuntinando a ser l mirandés la lhéngua
que usa cun sous pais i outros cunterráneos.
Ye
porsora titular de Pertués de l’Ansino Secundairo an França, habendo
sido an studante ajudanta de bibliotecaira ne l departamiento de Studos
Pertueses de l’Ounibersidade de la Sorbonne i ne l Centro Cultural de
la Fundaçon Gulbenkian an Paris. Fui tamien assistente de francés na
Scuola Perparatória Fernando Pessoa, an Lisboa, an 1986-87.
Bai para
15 anhos bibe ne l Sul de la França adonde cuntínan a bibir sous pais,
ua tierra adonde muitos lhúitan tamien cun einergie i antusiasmo para
mantener bibo l oucitáneo an todas las sues bariantes que ende se falou
al lhargo seclos i até hai pouco cumo única lhéngua.
Ten benido a publicar testos an mirandés cun muita rigularidade, seia an blogues seia na Fuolha Mirandesa de l Jornal Nordeste.
Liu las stáncias 90 a 99 de l Canto VI.
2 comentários:
Bien háiades, Alcides, Amadeu, Antonho, i todos ls que dua maneira ou doutra, cuntribuistes bós tamien para tornar esse die pula ciera einesquecible cun muita einergie i tamien muito antusiasmo sien dúbeda ningua. Baliu la pena !
Enviar um comentário