05/02/13

Cousas de las nuobas tecnologies




Un mirandés biaijaba pula purmeira beç d’abion.

Quando se purparaba para passar l boqueiro que fai l’eidentificaçon, oubiu ua bozica benida dun computador dezir:
 
 Bitorino, 50 anhos d'eidade, mirandés scorreito, casado pai de filhos, biaijante de l buolo 5271 de la TAP.

Bitorico quedou de boca abierta i un cacho çcunfiado.

-Mirai bós esta cousa ten manha, adonde se biu saber todo de mi!

Fui-se a la retrete, tirou la gorra, la camisa i tornou a bestir la jiqueta i a passar ne l boqueiro.

Diç la bozica:
 Bitorino, 50 anhos d'eidade, mirandés scorreito, casado pai de filhos, biaijante de l buolo 5271 de la TAP.

Bitorino se staba yá cula pulga atrás de l’oureilha pior quedou, eiqui hai marosca, yá se le afiguraba  haber algua muntada.

Tornou a la retrete, zgrinha-se todo, puso la jiqueta alrobés i bestiu ua saia de tie.
-Agora siempre quiero ber s’essa trampa de máquina inda me conhece!-Sclamou Bitorino.

Tornou a passar ne boqueiro.

La bozica dixo:
 Bitorino, 50 anhos d'eidade, mirandés scorreito, casado pai de filhos, por bias de las sues mariquices yá nun puode ir ne l buolo 5271 de la TAP, porque l abion yá se fui.

1 comentário:

Ana disse...

Por essa Ouropa fuora, inda porriba nestes dies, an países cumo la França i l’Anglatierra, an que se fala tanto i tanto de l projeto de lei subre l casamento antre pessonas de l mesmo sexo (al punto de oubregar ls deputados atualmente a debater dies anteiros i até altas horas de la nuite, por eisemplo na Assembléia Nacional francesa), lei que nós an Pertual yá tenemos faç agora alguns meses , ua palabra cumo “mariquices” ye...

Acho que uns i uas an beç de rir, ...

Questones de sociedade que yá dórun ourige a grandes manifestaçones nas grandes cidades franceses nestes últimos tiempos i inda puoden tornar a dar, i decisones afinal puls bistos difíceles assi i todo de tomar.
Mas l que antressa apesar de todo ye que puoda haber debate, un berdadeiro debate an que naide seia rediculizado.

Cumprimentos

Ana Maria