Cumo fura hoije l purmeiro de Abril, you dezie-bos que este era l nuobo treinador de l benfica que habie acabado de chegar a Lisboua.
Mas nun bos quiero anganhar. Este ye Luís Silva, a la salida de l purmeiro júri de Certeficaçon de Cumpeténcias an lhéngua mirandesa.
Luís Silva ye nieto de tiu Caleijo de Fuonte Aldé, un mirandés de trás de l'oureilha.
Mirai se sou abó algun die feturarie que l nieto inda habie de se ber assi arrodiado de microfones (i pimponas que éran las rapazas!... ) por bias de l Mirandés!...
Ah, Luís Silva ye nieto de tiu Caleijo, mas ye Garrote... quier dezir que ye de San Pedro!
3 comentários:
Buonas tardes Tortulhas,
Parabienes por mos trazeres la reportaige subre l' apersentaçon final de Luís i Albertina na çfeza de ls sous trabalhos an mirandés pa la outençon de l 9º anho de scolaridade. Parabienes a Luís i Albertina pula coraige de ser ls purmeiros a fazer la façanha i speremos que outros la bengan a repetir muitas bezes.
Un abraço,
Francisco Domingues
Ls mius parabienes pa ls dous.
http://tv1.rtp.pt/noticias/index.php?t=Miranda-do-Douro-Novas-Oportunidades-em-mirandes.rtp&headline=46&visual=9&article=225820&tm=8
Luis Silba, passou ls pormeiros anhos de bida cum sou abó Caleijo an Fuonte Aldé, yé bom rapaç. Tomara que ganhe la popularidade de sou abó, que a par de tiu Zé Maria Adlino fui ua de las figuras mais marcantes i carismáticas deste lhugar zde que you tengo memória.
Giente assi deixa saudade i ls ditos de tiu Caleijo inda se repitan hoije todos ls dies.
Parabienes Luis, un abraço amigo
Félç.
Enviar um comentário