Diç la tradiçon crestiana, de l seclo IV, que un eibreu que se chamaba Judas habie ajudado a ancuntrar la Cruç de Cristo na cidade de Jarusalen, busca anquemendada pul bispo i pula Reina Heilena, que era crestiana i mai de Custantino, l amperador que a esse tiempo era senhor i mandon naquel Reino.
Este eibreu cumbertiu-se, i bieno a ser cura cul nome de Ceríaco, que an griego quier dezir “Patrício”, quemun antre ls Romanos.
Apuis de muitas i lhargas jornadas puls caminos de la Palestina, Ceríaco fui eileito bispo de Jarusalen, tierra adonde fui marterizado al lhado de sue mai Ana, durande la batida de Juliano, l Apóstata.
Serie assi an poucas palabras la cuonta de la bida de Ceríaco, nun fússen las seinhas achadas na cidade de Ancona, an Nápoles. Cumo esto ye assi tan pouco na bida d'alguien que fizo lhienda, ajunta mais algue cousa. Dízen que lhougo que se cumbertiu, para assi scarpar als malos tratos de ls bielhos amigos paganos, Ceríaco haberie deixado la Palestina para se scunder an Eitália, an Ancona. Ende nessa cidade fui outra beç eileito bispo, eileiçon que el aporbeitou para eibangelizar i dibulgar la fé crestiana nua lhabuta sien çcanso, puis l outarca nun s’ouponie anté daba lhibardade para que la religion cretiana botasse raízes pur todo l ampério.
Yá bielho i cua fuorte spréncia eipiscopal, Ceríaco fizo la sue redadeira jornada de pergrinaçon a la Cidade de Jarusalen, adonde habie sido bispo quando era nuobo, mais para bolber a besitar ls lhugares Santos. I este fui l son mal, caiu nua sparrielha, agarrórun-lo i ende se morriu a las manos de l perseguidor romano Juliano, l Apóstata, pur buolta de ls anos 361 i 363.
Ls de mais créncia, dízen que l que sobrou de l cuorpo chegou a Ancona, lhebado nas cachoneiras de l mar. Ende stá la splicaçon de la tradiçon ne l die 4 de l més de Maio to ls anhos na Sé de Ancona las pessonas çtribuíren manadas de juncos benezidos. Cumo to mundo sabe, ls juncos quédan siempre anriba i nunca ban al fondo. Ye taluda la fé i deboçon a este Santo, puode ber-se ne ls menumientos spargidos por to l mundo zde hai muitas eras dantes. Para mi i muitos Zenizienses, tamien nun se scapa toda esta nomeada a este Santo, puis na rue adonde naci siempre houbo ua capielha de San Ceríaco. Capielha que tubo para alhá de morada de l Santo muitas outras funçones al lhargo de sue Stória. Hoije amanhada ye la proua de ls que son de Belharino i la proba de que todo l pobo de l’aldé para alhá de la créncia ten amor al sou património. Houbo tiempo que ambergonhaba quien la bie i, se calha, até l Santo.
Este eibreu cumbertiu-se, i bieno a ser cura cul nome de Ceríaco, que an griego quier dezir “Patrício”, quemun antre ls Romanos.
Apuis de muitas i lhargas jornadas puls caminos de la Palestina, Ceríaco fui eileito bispo de Jarusalen, tierra adonde fui marterizado al lhado de sue mai Ana, durande la batida de Juliano, l Apóstata.
Serie assi an poucas palabras la cuonta de la bida de Ceríaco, nun fússen las seinhas achadas na cidade de Ancona, an Nápoles. Cumo esto ye assi tan pouco na bida d'alguien que fizo lhienda, ajunta mais algue cousa. Dízen que lhougo que se cumbertiu, para assi scarpar als malos tratos de ls bielhos amigos paganos, Ceríaco haberie deixado la Palestina para se scunder an Eitália, an Ancona. Ende nessa cidade fui outra beç eileito bispo, eileiçon que el aporbeitou para eibangelizar i dibulgar la fé crestiana nua lhabuta sien çcanso, puis l outarca nun s’ouponie anté daba lhibardade para que la religion cretiana botasse raízes pur todo l ampério.
Yá bielho i cua fuorte spréncia eipiscopal, Ceríaco fizo la sue redadeira jornada de pergrinaçon a la Cidade de Jarusalen, adonde habie sido bispo quando era nuobo, mais para bolber a besitar ls lhugares Santos. I este fui l son mal, caiu nua sparrielha, agarrórun-lo i ende se morriu a las manos de l perseguidor romano Juliano, l Apóstata, pur buolta de ls anos 361 i 363.
Ls de mais créncia, dízen que l que sobrou de l cuorpo chegou a Ancona, lhebado nas cachoneiras de l mar. Ende stá la splicaçon de la tradiçon ne l die 4 de l més de Maio to ls anhos na Sé de Ancona las pessonas çtribuíren manadas de juncos benezidos. Cumo to mundo sabe, ls juncos quédan siempre anriba i nunca ban al fondo. Ye taluda la fé i deboçon a este Santo, puode ber-se ne ls menumientos spargidos por to l mundo zde hai muitas eras dantes. Para mi i muitos Zenizienses, tamien nun se scapa toda esta nomeada a este Santo, puis na rue adonde naci siempre houbo ua capielha de San Ceríaco. Capielha que tubo para alhá de morada de l Santo muitas outras funçones al lhargo de sue Stória. Hoije amanhada ye la proua de ls que son de Belharino i la proba de que todo l pobo de l’aldé para alhá de la créncia ten amor al sou património. Houbo tiempo que ambergonhaba quien la bie i, se calha, até l Santo.
Capielha de San Ceriaco an Belharino (Zenízio)
1 comentário:
Oubrigado, Faustino, por mais esse ansinamiento. Mas la pregunta que a mi me martielha na cabeça ye mui simpres: quando i cumo haberá benido esse santico pa las nuossas tierras?
Sabemos que até ls santos uns tubírun, nun cierto sentido, mais suorte que outros. Por eisemplo, an Zenízio, anque San Ceríaco yá houbira bido muita cousa na sue capelhica, la berdade ye que ciertos santos yá nin desso se puoden agabar: santa Oulaia parece que yá solo ten dreito a un cacho de l termo, uas huortas i ua ourrieta, mas capielha nada.
Será que un die houbo alhá ua capelhica dessa santa? Ou será que alguien le oufreciu essas tierras a la Santa?
Cumo siempre digo, l mais pregunton de siempre.
Un abraço,
Amadeu
Enviar um comentário