[gladiolus italicus]You nun sabie l nome desta guapa frol. Apuis de percurar i me dezíren que se chamaba "Calças de cuco", ye por este nome que l pobo la coinhece, abotonei las mies... Anton este lafrau, se aquemoda na casa de ls outros ls sous uobos i filhos, tamien ye capaç de se quedar cun muita cousa! I porriba inda ten ua frol cul nome de las calças, ua frol guapa, que ua cousa ye bé-la ne l retratos outra ye star a pie deilha ne l campo. Un queda rendido d'ancanto. Cumo l mundo stá, quien dezirie que quanto mais mala nomeada se ten, melhor?! I ándan por ende tantos cucos, que son armanos a aquel que neste tiempo canta anquanto ls outros trabálhan. Ténen ye outro nome.
2 comentários:
Buonas tardes Faustino,
Tamien le cháman calças de cuco a essa flor, mas you tenie eideia que la frol cun esse nome era outra, que haitas pa ls nuossos lhados i ye de la família de ls narcisos (narcissus triandrus L.), mas you destas cousas nada antendo.
Yá le pus l nome a la que eiqui deixeste.
Abraço,
Amadeu
Buonas tardes tamien para bós i ls buossos amigo Amadeu.
S'inda bós dezis que nun antandeis de l nome de las froles que direi you?.
Puis you stou siempre cuntando que seia de l buosso lhado que benga l berdadeiro, de ls muitos que you nun tengo la certeza. De l buosso ou de Ana ou alguien qua saba. Estas cousas sálen bien de la troca d'eideias i de ls que mais sáben.
se calha até este ye de la família de ls "narcisos", nun fui alhá pa ls lhados de Miranda que you oubi chamar assi, de calças de cuco. Fui porqui
Yá dei ua ronda puls cantos de la casa i bi que nien l die de l trabalhador quedestes parado
Un abraço para bós
Enviar um comentário