*
Ua Frol de Papoula [Papaver rhoeas]
Dues Froles de papoula
Muitas froles de papoulas
La frol de papoula i l casulho adonde guarda las semientes
L casulho de ls semientesPuis eiqui stá ua frol de que naide ten dúbedas de l sou nome. Mas tamien para quei poné-la eiqui se ye quemun bé-la? Para mi nun ye. You cunfesso que sou un cundanado de las grandes metrópoles (cidades), adonde se bei todo menos campos de papoulas.
Cumo you me muorro als poucos, agarro-me a las recordaçones de quando por aqueilhas prainuras de la Chaneira, Las Guiras, Chana, Suortes Nuobas i la Moura (chamadeiros de Zenízio) bie la bermelhidon de las papoulas. Anchie l'alma de quelor i ls pulmones de l sou perfumado cheiro.
Prendas de la natureza que nun hai pintor ou retratista que atente arrimar-se.
Prendas de la natureza que nun hai pintor ou retratista que atente arrimar-se.
2 comentários:
Un campo de papoulas ye un grito de bida tan fuorte que parece que l sangre arrepincha para fuora de las benas.
Nun zaspere, Amigo Faustino! Nesta fin de sumana, bi you las purmeiras papoulas de l anho, na borda dua strada cun muito, muito, tránsito, noutra grande metrópole que ye Toulouse, aqui ne l Sul de la França. You até nien me lhembraba que essa frol ampeça a frolir yá ne l més de Abril. Se nun tubisse screbido este sou testo i puosto aqui estes retratos, you até nien sequiera tenerie prestado muita atençon a essas froles que antretanto ls pintores siempre gustórun de zenhar i pintar… mas assi prestei atençon… prestei porque pensando bien tamien merécen la pena… cumo todo !
Enviar um comentário