[C. Ferreira]Cula quaresma alta, arde la bela de ls tomielhos: las lhamaredas sorbírun l roixo de l tiempo; de tan afeitos manténen, inda apuis la Páscoa, la paixon acesa pulas arribas. Seco, stende-se l terruço anriba las lhastras, cumo piel al aire: assi aguanta un die i outro la ceçon cun que atiça l fuogo nas raízes. Eiternize-se l sfergante de l tomielho i de l retrato: agosto, que spere cun sou einfierno i sue checharra, cantadeira dun mundo a arder an claro.
2 comentários:
Bah ! Ya teneis ls Tumilhes frolides ? Ls que tengo an Burdeus inda nun son assi tan pinpones !
Buonas nuites,
Eiqui ls tomilhos inda nun stan todos frolidos, mas yá cumpónen bien l ramo, subretodo pa las arribas de l Douro que ye sítio mais cálido. Cuido que cun esta auguita que stá a caier si ban a quedar bien relhamposos.
Amadeu
Enviar um comentário