Tube algue relhutáncia al poner este nome, - “L outro Tiempo”. Anté parece que tengo algo cuntra l tiempo d´hoije. Mas nun ye esso. A las bezes pongo-me a pansar cumo todo cuorre tan debrebe. Nun habie lhuç, eiléctrica ne ls lhugares çtantes. Nun habie altemobles, nun habie talfone, nun habie cunfuorto, solo habie pessonas i pessonas pul termo. I la canseira qu'era, quando se querie ir a qualquiera lhado a lhebar un recado miesmo que fusse buono. Neste tiempo nuobo ye todo bien çfrente. La tecnologie trouxo tanta cousa que chega a ser demais cumo yá tengo oubido dezir. Las pessonas hoije tráen un talfone ne l bolso, i esso ye ua cousa mui buona. Úsan-lo por todo i nada, quando stan cuntentas i quando stan tristes. Márcan ancuontros a horas ciertas, fálan cun las pessonas que gústan, fálan de la bida que nun ténen, i quantas bezes nun spántan las pantasmas an que tropéçan. Tórnan-se pa l cumputador i scríben eili l que le dá na gana. Çpuis lhígan-se a la anternete, i júlgan ber l Mundo, que agora parece pequeinho. D'antigamente l Mundo era tan grande que naide sabie adonde chegaba. I screbir ua carta, que ampeçaba siempre assi; -“acá arrecebimos la tue carta!…”-, poné-la ne l correio i ficar un més a spera. Mas hoije naide spera. Naide spera por naide, anté parece que deixou de haber pessonas.
Válter Deusdado
Válter Deusdado
3 comentários:
Amigo Valter
Ye anteressante i realística esta tu bison de la rápida mudança de l mundo durante ls nuossos últimos anhos de bida.
Nun será que estes grandes saltos tecnológicos de la stória mundial nun son la ourige de l aparecimiento de tantos fanatismos? De tantos fundamentalismos? De tantas zgrácias?
Causa-me delor an aceitar essa tu berdade de que “anté parece que deixou de haber pessonas” . Será berdade que las rápidas facilidades de comunicaçon, se transfuormoran an origens de anfelicidades i perigos pals grandes balores de la nuossa cibelizaçon? Resta-me la cuonsolaçon de que esta rápida mudança me fai salir de mie i de me mostrar que camino cun muitos tipos de pessonas i mui defrentes de mie.
Un abraço,
Leonardo
Oulá Válter
Yá tenie sauidades de ber ls tous testos porqui.
I beniste cua berdade que nun podemos quedar apartados deilha. Se esta priessa açumada pul tiempo trai cousas malas, tamien las trai buonas. You gusto de muitas destas demudas. I digo-te que l home sabe que benírun por bien, nada justificaba todo quedar parado, nun gusto d'aqueilhes i de las copusas que se quedórun agarrados ls tiempos de trinta anhos datrás. Que cúidan que todo tenie que star nas andadas dantes.
Hoije dizen que demudórun mas l sou pensar, las sues eideias i l modo de ber ye l mesmo dantes.
Quien era atrasado bien-lo como esso mesmo, inda nun bírun que la fame se la hai nun ye culpa de la tecnologie, nien nas mesmas barrigas.
Las demudas son siempre buonas, assi seiamos nós capazes de las recebir.
Anté lhougo.
Olá.
Eu também acho que estas mudanças tecnológicas trazem muitas coisas boas. Uma delas é este blog.
Claro que é preciso aprender e ensinar coisas novas.
É preciso aprender e ensinar que os telemóveis têm um botão para desligar em certas situações (missa e escola, por exemplo). É preciso aprender e ensinar que o facto de termos acesso a máquinas fotográficas e câmaras de filmar mais baratas do que há uns anos atrás não nos dá o direito de violar a privacidade dos outros.
É preciso não esquecer que o facto de podermos comunicar via chat não nos pode impedir de ir ter com os amigos mais próximos e conversar durante uma hora ou duas.
Eu acho que a tecnologia nos vem dar mais opções. Não temos que deixar de escrever cartas, só porque podemos escrever e-mails. Temos mais opções à escolha. E isso é bom.
Um abraço
Enviar um comentário