Crabos burmeilhos [Dianthus Caryophyllaceae]S’anda por ende muita admiraçon de que l die que hoije assinalamos cun crabos burmeilhos, stá murcho na mimória de ls mais nuobos, ye ua berdade. A esta cuncluson chegórun personas que hoije ténen ls çtinos de l Paiç, personas que stan alhá bien arriba na scaleira de l poder. Mas s’eilhes s’admíran tanto que l çcoincimiento de l segneficado desse die bint’i cinco d’Abril de setenta i quatro, you admiro-me de la mimória deilhes. Porque esses mesmos tubírun l poder nas manos an muitos anhos i nada fazírun para qu'esso nun fusse assi.
Siempre un pobo dixo que solo se cuolhe aqueilho que se sembra. Nada se sembrou para que fusse un die bibo i de mui grande nas geraçones d'hoije. Sembrórun-se fui rezones de sobra para que todo l balor dessa madrugada fusse squecido. Nun béngan agora amostrar-se al pobo cun cara d’einocentes. Muitos quejírun l squecimiento, muitos zbiórun i zbirtuórun l sou seneficado dun die de lhibardade i eigualdade. L mais deilhes son bien coincidos, mesmo que siempre tubíssen bestido l çamarro de l canhono.
Mas yá agora bos digo que, pul meio de todo este squecimiento, inda s’ancóntran muitas rezones de spráncia, i ye de ls mais nuobos. You tube essa certeza nun teçtemunho dun nino de siete anhos. Nua daqueilhas palhestras dadas puls oufeciales de l Mobimiento de las Fuorças Armadas, que siempre se fázen por estes dies pa las scuolas, you fui cumbidado i stube nua dessas feita pul oufecial Caldeira Santos, nesse tiempo teniente de la Marina (hoije Comandante). I berdade seia dita nun ye porque eilhes nun se sfórcen an cuntar i splicar las rezones, i éran muitas i fuortes que habie nesse tiempo de ditadura, que fizo cun que esses homes se reboltássen, que ben l çcoincimiento pa las personas i de ls mais nuobos. Cumo ua mimória biba, eilhes ende stan pa las percuras i cula maior de las clarezas respunder.
Nua de las percuras desse rapaç de siete anhos, bieno ua i un teçtemuho que a muitos eimocionou. Percurou porque nun se fizo l bint’i cinco d’Abril mais temprano? Dezindo, assi you tenerie cumigo aquel abó que alhá se muorriu, quando fui suldado i oubrigado a agarrar nua spingarda i lhuitar sien saber porquei nien acontra quien. Mie abó que todo me cuonta, nun mais drumiu ua nuite assossegada, las lhágrimas inda le cuorren pula cara abaixo, la sue cabeça nun quedou la mesma. Miu pai, que era nino a esse tiempo, tubo que se birar sien pai pa l ajudar a medrar i studar. La guerra quedou-le cun todo i stropiou sue bida.
Ye un teçtemunho a que nun ye façele dar repuosta. Quien sabe porquei nun se fizo mais cedo! L que se puode fazer ye deixar ua mensaige fuorte i de spráncia. Sou pai yá nun tubo de l fazer i el hoije puode dezir nó a la guerra, al ódio, a la mordaça i dar bibas a la lhibardade. Ls males nunca habien d’ampeçar, todos l sabemos, mas pior apius ye nun ls fazer parar.
Este rapaç nunca bai a squecer l bien que ye tener paç i l bien que ye poder decidir. Cun orde i respeito por todos. Ls mais nuobos sabéren bien l que era dantes de l bint'i cinco d'Abril. Será pula cierta ua garantie que tenemos de manhana haber lhibardade, eigualdade i harmonie. Nós tenemos l'oubrigaçon desso splicar.
Siempre un pobo dixo que solo se cuolhe aqueilho que se sembra. Nada se sembrou para que fusse un die bibo i de mui grande nas geraçones d'hoije. Sembrórun-se fui rezones de sobra para que todo l balor dessa madrugada fusse squecido. Nun béngan agora amostrar-se al pobo cun cara d’einocentes. Muitos quejírun l squecimiento, muitos zbiórun i zbirtuórun l sou seneficado dun die de lhibardade i eigualdade. L mais deilhes son bien coincidos, mesmo que siempre tubíssen bestido l çamarro de l canhono.
Mas yá agora bos digo que, pul meio de todo este squecimiento, inda s’ancóntran muitas rezones de spráncia, i ye de ls mais nuobos. You tube essa certeza nun teçtemunho dun nino de siete anhos. Nua daqueilhas palhestras dadas puls oufeciales de l Mobimiento de las Fuorças Armadas, que siempre se fázen por estes dies pa las scuolas, you fui cumbidado i stube nua dessas feita pul oufecial Caldeira Santos, nesse tiempo teniente de la Marina (hoije Comandante). I berdade seia dita nun ye porque eilhes nun se sfórcen an cuntar i splicar las rezones, i éran muitas i fuortes que habie nesse tiempo de ditadura, que fizo cun que esses homes se reboltássen, que ben l çcoincimiento pa las personas i de ls mais nuobos. Cumo ua mimória biba, eilhes ende stan pa las percuras i cula maior de las clarezas respunder.
Nua de las percuras desse rapaç de siete anhos, bieno ua i un teçtemuho que a muitos eimocionou. Percurou porque nun se fizo l bint’i cinco d’Abril mais temprano? Dezindo, assi you tenerie cumigo aquel abó que alhá se muorriu, quando fui suldado i oubrigado a agarrar nua spingarda i lhuitar sien saber porquei nien acontra quien. Mie abó que todo me cuonta, nun mais drumiu ua nuite assossegada, las lhágrimas inda le cuorren pula cara abaixo, la sue cabeça nun quedou la mesma. Miu pai, que era nino a esse tiempo, tubo que se birar sien pai pa l ajudar a medrar i studar. La guerra quedou-le cun todo i stropiou sue bida.
Ye un teçtemunho a que nun ye façele dar repuosta. Quien sabe porquei nun se fizo mais cedo! L que se puode fazer ye deixar ua mensaige fuorte i de spráncia. Sou pai yá nun tubo de l fazer i el hoije puode dezir nó a la guerra, al ódio, a la mordaça i dar bibas a la lhibardade. Ls males nunca habien d’ampeçar, todos l sabemos, mas pior apius ye nun ls fazer parar.
Este rapaç nunca bai a squecer l bien que ye tener paç i l bien que ye poder decidir. Cun orde i respeito por todos. Ls mais nuobos sabéren bien l que era dantes de l bint'i cinco d'Abril. Será pula cierta ua garantie que tenemos de manhana haber lhibardade, eigualdade i harmonie. Nós tenemos l'oubrigaçon desso splicar.
Palhestra subre l 25 d'Abril
4 comentários:
Boa noite, Faustino.
Houve quem tentasse fazer o "25 de Abril" mais cedo. Há relatos de várias tentativas de revolução que falharam.
Mas é interessante ver como as crianças, na sua inocência, acabam por fazer perguntas bastante pertinentes.
Um abraço.
Buonas tardes Firmino
You sei, l causo de ls melitares que inda salírun de las Çaldas (cuido ne l die onze), outros que quedórun ne l segredo.
Mas eiqui la grima de l garotico, ten que ser dantendida cula clareza i pertinéncia de que algue que chega mais temprano nun spalha l mal (falando de Guerra).
D'algue que se benisse a tiempo nun habie roubado aqueilho que naide ten dreito de roubar que son ls nuossos famíliares.
Cuido quesse deseio ye de muitos garoticos deste paiç, i de ls nuobos paizes que por bias dun cabeçudoI ls que marcou muitos acá i alhá de l mar.
Outro abraço tamien.
Cumo ya tenerei dito muitas bezes, nunca ye demais falar de l 25 d`Abril. Para la nuossa giraçon, fui quir-me parcer l grande acuntecimento de las nuossas bidas anquanto Pertueses. Fui l´abrir de muitas puortas i ouportunidades, fui cumo siempre se diç, la cunquista de la dignidade.
Um abraço
Válter
Eimocionante, nun hai dúbeda, la pregunta de l rapazico. Fizo-me lhembrar l miu amigo Galvão, que alhá quedou i deixou ua rapazica, hoije mulhier. L miu amigo era poeta i l 25 de Abril nun bieno a tiempo para el.
Amadeu
Enviar um comentário