Cunfiança nas raízes

*

Bien loinge queda l cielo, bien calhos medrórun porriba las raízes, mas las nuobas pítulas son siempre frescas cumo ua madrugada, assi l podador le deia campo: nunca nada ye tan bielho que tenga de se morrer; nunca nada stá tan acabado que nun puoda ampeçar outra beç; nunca un mal puode ser tan grande que al menos nun haba sprança de l curar; nunca nada ye tan defícele que téngamos de zistir del antes de tiempo; nunca las fuorças son tan andebles que nun séian capazes dun mexer d'uolhos, un ai que seia a ampeçar un airico: bonda que, cumo l tuoro de l'oulibeira, nun pérdamos la cunfiança nas raízes que mos dórun de comer até agora.