Arrenton inda medrando
arrebenton an frol
Arrebenton yá cun bainasYou oubie le chamar a esta yerba arrebenton. Tamien oubie dezir que se la cria quemisse esta yierba se morrie cula barriga anchada.
Será l nome berdadeiro desta yerba? Ou l nome ben dende, s'acauso era berdade? Será que por to las tierras de miranda la chamán assi?
Las dúbedas son muitas, mas las froles son dua quelor rala, i las bainas quaije de l tamanho de las de la antremoceira.
Quien andubir un ratico pul campo ancontra-las i, mais que nun seia, bota-le las manos para cheirar la frol i ber cumo son ls granicos que ten nas bainas.
2 comentários:
Buonas nuites,
Gustei que tornaras a las froles, amigo Foustino. Siempre ye l tiempo deilhas, mas agora mais.
Quanto al retrato que pones, nun queda bien claro se ye arrebenton - ye assi que se le chama an mirandés - ou se ye outra cousa.
Tal cumo stá sacado l retrato stá algo parecido a la arrebulhaca [an pertués ervilhaca], yá que hai bárias culidades desta yerba.
Bamos a ber se cunseguimos dar mais uns passicos i çtinguir las bárias yerbas de la família de las fabácias, al menos trés: arrebenton, arrebulhaca i arrebentina..
Quanto al nome de arrenbenton tengo la certeza de que nun ten a ber cun fazer mal als animales ou de ls fazer arrebentar. Bien se me lhembra de ser garoto i anchir a alforjadas de arrebenton ne ls panes, que nistante se anchien i assi sobraba mais tiempo pa la jolda. Si ye berdade que nun era l alimento de que mais gustában, mas nun le fazie mal. Inda hoije cunfirmei esso cun miu pai.
Talbeç l nome benga de la planta star siempre a arrebentar, mesmo quando se schochaba.
Tenemos a falar subre l assunto.
Abraço,
Amadeu
Amigo Amadeu
Bou a ber se sou capaç de ancuntrar essas yerba, i sacar retratos.
Tamien bos digo que you pouco sei de todas eilhas i até agradecie
que quando pongo retratos i ls nomes nun stubiren bien que séian eimendados, para bien de la anformaçon giral.
Fazei esso por mi.
Nun bai a ser fáçele, puis porqui ls campos birórun muita cousa, i pouco sobra de tierra para yerbas.
Bou tamien a saber qual era la berdadeira yerba que era malina pa la cria.
I poner eiqui ls retratos.
Enviar um comentário